கல்வி கட்டண விவரங்களை வெளியிடாத தனியார் பள்ளிகள் குறித்து ஜூன் 10-ம் தேதிக்குள் அறிக்கை அனுப்ப வேண்டும் என்று பள்ளிக்கல்வித்துறை அதிரடி உத்தரவு பிறப்பித்துள்ளது. தனியார் பள்ளிகள் அனைத்தும் தங்களின் கட்டண விவரங்களை கட்டாயம் அறிவிப்பு பலகையில் காட்சிப்படுத்த வேண்டும் என்று தமிழக அரசு ஏற்கனவே உத்தரவிட்டிருந்தது. ஆனால், பெரும்பாலான தனியார் பள்ளிகள் இந்த உத்தரவை இன்னும் நடைமுறைப்படுத்தவில்லை என்று புகார்கள் எழுந்துள்ளன.
இந்தத் விதிமீறல் விவகாரத்தில் மாவட்ட கல்வி அதிகாரிகள் (DEO) தீவிரமாகச் செயல்பட்டு உரிய விசாரணை நடத்தி அறிக்கை சமர்ப்பிக்க வேண்டும் என்று உத்தரவிடப்பட்டுள்ளது. அரசின் இந்த அதிரடி நடவடிக்கையால், இனி வரும் நாட்களில் தனியார் பள்ளிகள் தங்களின் கட்டண விவரங்களை வெளிப்படையாக அறிவிக்க வேண்டிய கட்டாயத்திற்கு தள்ளப்பட்டுள்ளன