தமிழகத்தின் முன்னாள் முதல்வர் ஜெயலலிதா இந்த மண்ணை விட்டு மறைந்து இன்றோடு 9 ஆண்டுகள் ஆனாலும் அதிமுக தொண்டர்களால் என்றென்றும் போற்றப்பட்டு வருகின்றார். ஆண்கள் மட்டுமே ஆதிக்கம் செலுத்திய அரசியல்களில் பெண்களாலும் சாதிக்க முடியும் என்று ஜெயித்துக் காட்டியவர் தான் ஜெயலலிதா. கடுமையான சவால்களுக்கு மத்தியில் அரசியலில் அவர் வெறும் ஒன்பது ஆண்டுகளுக்குள்ளேயே பிரம்மிக்கத்தக்க எழுச்சியை பெற்று அசைக்க முடியாத ஒரு பெண் தலைவரானார். இதனிடையே ஜெயலலிதாவின் நினைவு நாளான இன்று அரசியல் தலைவர்கள் பலரும் அவரைப் போற்றி பதிவிட்டு வருகின்றனர்.
அதேசமயம் அதிமுக தலைவர்கள் பலரும் ஜெயலலிதா நினைவிடத்தில் அஞ்சலி செலுத்தி வருகிறார்கள். இந்நிலையில் சென்னை மெரினாவில் ஜெயலலிதாவின் நினைவிடத்தில் அஞ்சலி செலுத்திய பிறகு செய்தியாளர்களை சந்தித்து பேசிய சசிகலா, தொண்டர்களை சொல்கிறேன் ஒற்றுமையாக இருக்கிறார்கள், நிச்சயமாக அம்மாவின் ஆட்சியை கொண்டு வருவோம். நிச்சயம் அதை செய்து காட்டுவோம் என சசிகலா கூறினார்.மேலும் அரசியலில் இருப்பவர்கள் சிறிய பிரச்சனைக்காக அவசரப்பட்டு முடிவு எடுக்கக் கூடாது என செங்கோட்டையன் குறித்த கேள்விக்கு சசிகலா கருத்து தெரிவித்துள்ளார்.