சென்னையில் இரவு முதல் கனமழை பெய்து வருகிறது. இதனால் அங்கும் இங்கும் மழைநீர் தேங்கி வருகிறது. இந்நிலையில், வரலட்சுமி என்ற தூய்மை பணியாளர், இன்று காலை வழக்கம்போல வேலைக்கு சென்றுள்ளார். அப்போது செல்லும் வழியில் மழை நீரில் மின் வயர் அறுந்து கிடந்துள்ளது. அதை தெரியாமல் வரலட்சுமி மிதித்ததால், மின்சாரம் தாக்கி உயிரிழந்தார்.
இவருக்கு 12 வயதில் பெண் குழந்தையும், 10 வயதில் ஒரு ஆண் குழந்தையும் உள்ளார்கள். இவரின் குடும்பத்தில் சம்பாதிக்கும் ஒரே நபர் இவர்தான். இதனையடுத்து தற்போது அம்மாவை பறிகொடுத்த 2 குழந்தைகளும் யாரும் இல்லாமல் தவிக்கின்றனர். இந்த சம்பவம் தமிழகம் முழுவதும் பெரும் சோகத்தை ஏற்படுத்தியுள்ளது.