உணவில் உப்பு அதிகம் சாப்பிடுகிறீர்களா?…. அப்போ இந்த ஆபத்து நிச்சயம்… பலரும் அறியாத அதிர்ச்சியூட்டும் உண்மை….!

பொதுவாகவே உணவில் சுவைக்காகச் சேர்க்கப்படும் உப்பின் அளவு அதிகரிக்கும் போது, அது உயர் இரத்த அழுத்தத்தை (High Blood Pressure) ஏற்படுத்தும் முக்கிய காரணியாக மாறுகிறது. உப்பில் உள்ள சோடியம் உடலில் இரத்தக் குழாய்களைச் சுருங்கச் செய்யும் ஹார்மோன்களின் சுரப்பைத் தூண்டுகிறது. இதனால் இரத்தக் குழாய்கள் அதிகப்படியாகச் சுருங்கி, இரத்த ஓட்டத்தில் அழுத்தத்தை அதிகரித்து இதயத்திற்குச் செல்லும் சுமையைக் கூட்டுகிறது. இது காலப்போக்கில் மாரடைப்பு மற்றும் பக்கவாதம் போன்ற உயிருக்கு ஆபத்தான நோய்களுக்கு வழிவகுக்கின்றது.

உப்புக்கும் சிறுநீரக ஆரோக்கியத்திற்கும் நேரடித் தொடர்பு உள்ளது. நாம் உட்கொள்ளும் உப்பின் அளவு நாள் ஒன்றுக்கு 4 மில்லிகிராமைத் தாண்டும்போது, அது சிறுநீரகத்தின் செயல்பாட்டைத் தீவிரமாகப் பாதிக்கத் தொடங்குகிறது. உடலில் உள்ள திரவச் சமநிலையைப் பேணுவதில் சிரமம் ஏற்படுவதால், கை, கால்களில் வீக்கம் (Edema) மற்றும் சிறுநீரகச் செயலிழப்பு போன்ற பிரச்சனைகள் உண்டாகின்றன. குறிப்பாக ஏற்கனவே சிறுநீரகப் பாதிப்பு உள்ளவர்கள் உப்பைக் மிகக் குறைவாகவே பயன்படுத்த வேண்டும் என மருத்துவர்கள் எச்சரிக்கின்றனர்.

மேலும், அதிக உப்பு நுகர்வு கல்லீரல் பாதிப்புகளான சிரோசிஸ் (Liver Cirrhosis) போன்ற நிலைகளில் வயிற்றில் நீர் கோர்ப்பு ஏற்படுவதற்குக் காரணமாகிறது. வயது அதிகரிக்கும் போது நமது இரத்த நாளங்கள் சோடியத்தைச் சமநிலைப்படுத்தும் திறனை இயல்பாகவே இழக்கின்றன; இந்நிலையில் அதிக உப்பு சேர்ப்பது இதயப் பற்றாக்குறை மற்றும் மூச்சுத்திணறல் போன்ற பாதிப்புகளை மிகத் தீவிரமாக்குகிறது. எனவே, ஆரோக்கியமான வாழ்விற்கு அன்றாட உணவில் உப்பின் அளவைக் கட்டுப்படுத்துவது அவசியமான ஒன்றாகும்.