கொழும்பில் நடைபெற்ற பாகிஸ்தானுக்கு எதிரான உலகக் கோப்பை போட்டியில் இந்தியாவின் அபார வெற்றியை கிரிக்கெட் ஜாம்பவான் சச்சின் டெண்டுல்கர் மனதாரப் பாராட்டியுள்ளார். 61 ரன்கள் வித்தியாசத்தில் பாகிஸ்தானை வீழ்த்தி, இந்தியா சூப்பர் 8 சுற்றுக்கு முன்னேறியது குறித்து அவர் தனது எக்ஸ் (X) தளத்தில் நெகிழ்ச்சியுடன் பதிவிட்டுள்ளார். அதில், “இந்தியா இன்று அதிர வைத்துவிட்டது! பவர்பிளே ஓவர்களிலேயே பாகிஸ்தானிடமிருந்து ஆட்டத்தை இந்தியா பறித்துவிட்டது. முதல் இன்னிங்ஸில் இஷான் கிஷனின் அதிரடியும், இரண்டாவது இன்னிங்ஸில் இந்திய பந்துவீச்சாளர்களின் துல்லியமான தாக்குதலும் தான் இந்த மாபெரும் வெற்றியைத் தேடித்தந்தது. ஆட்டம் முழுவதும் இந்தியாவே ஆதிக்கம் செலுத்தியது,” என்று சச்சின் புகழ்ந்துள்ளார். இஷான் கிஷன் 40 பந்துகளில் 77 ரன்கள் குவித்து இந்தியாவின் வெற்றிக்கு வலுவான அடித்தளம் அமைத்ததை அவர் குறிப்பிட்டுப் பாராட்டியுள்ளார்.
The powerplay was where India took the game away from them.
Ishan Kishan in the first innings, and the clinical bowling we saw in the second innings, made all the difference.
We were always in the driver’s seat. India rocked it tonight!🇮🇳
— Sachin Tendulkar (@sachin_rt) February 15, 2026