அந்த மாணவி ஏன் புதருக்குள் போகணும்..? பாலியல் வன்கொடுமை குறித்து சர்ச்சையாக பேசிய எஸ்.வி.சேகர்..!!

பாலியல் வன்கொடுமை வழக்கு குறித்து பாஜக முன்னாள் எம்.எல்.ஏ எஸ்.வி.சேகர் பேசிய கருத்துக்கள் பெரும் சர்ச்சையை ஏற்படுத்தியுள்ளன. தூத்துக்குடியில் வன்கொடுமைக்கு ஆளான மாணவி ஏன் புதருக்குள் செல்ல வேண்டும் என்று அவர் கேள்வி எழுப்பியுள்ளார். மேலும், பீரோவைப் பூட்டாமல் சென்றுவிட்டு திருடன் திருடிவிட்டான் என்று சொன்னால் சட்டம் – ஒழுங்கு சரியில்லை எனக் கூற முடியுமா என அவர் ஒப்பிட்டுப் பேசியது கடும் விமர்சனத்திற்கு உள்ளாகியுள்ளது.

குழந்தைகளைப் பெற்றோர் கவனமாகப் பார்த்துக்கொள்ள வேண்டும் என்று அறிவுறுத்திய அவர், பெண்கள் காட்டிற்குள் கழிவறைக்குச் சென்றால் கூடத் துணைக்கு யாராவது போக வேண்டும் எனக் கூறியுள்ளார். ஒரு குற்றச் சம்பவத்தில் பாதிக்கப்பட்ட பெண்ணின் செயல்களையே குறைகூறும் வகையில் அமைந்த இவரது இந்த சர்ச்சைக்குரிய பேச்சு, சமூக வலைதளங்களில் பலத்த விவாதங்களை கிளப்பியுள்ளது.