ஐயோ கடவுளே பயங்கரம்…! திருமண விழா கொண்டாட்டத்தின்போது இடிந்து விழுந்த மேற்கூரை… அதிர்ச்சியூட்டும் வீடியோ வெளியாகி பரபரப்பு…!!

இமாச்சலப் பிரதேசத்தின் சம்பா மாவட்டத்தில் நடைபெற்ற திருமண விழா ஒன்றில், எதிர்பாராத விதமாக வீட்டின் கூரை இடிந்து விழுந்த சம்பவம் பெரும் அதிர்ச்சியையும் பரபரப்பையும் ஏற்படுத்தியுள்ளது. இரண்டு அல்லது மூன்று நாட்களுக்கு முன்பு நடந்ததாகக் கூறப்படும் இச்சம்பவத்தில், 20க்கும் மேற்பட்ட விருந்தினர்கள் காயமடைந்தனர். உள்ளூர் தகவல்களின்படி, திருமண விழாக்கள் நடந்துகொண்டிருந்த போது, பலர் முற்றத்தில் நடனமாடிக் கொண்டிருந்தனர். அதே சமயம், விழாவைக் காணும் நோக்கில் சுமார் 20 முதல் 30 பேர் வரை அருகிலிருந்த ஒரு கட்டிடத்தின் கூரையில் கூடியிருந்தனர்.  அப்போது திடீரென அந்தக் கூரை பலவீனமடைந்து வளைந்து, அதன் மீது நின்றிருந்த அனைவரும் இடிபாடுகளுடன் கீழே விழுந்தனர். இதனால் அந்த இடமே பயங்கரமான காட்சியாக மாறியது.