தமிழகத்தில் 2026 சட்டமன்ற தேர்தலை முன்னிட்டு அரசியல் கட்சியினர் அரசியல் பணிகளில் தீவிரமாக ஈடுபட்டு வருகிறார்கள். கூட்டணி மற்றும் கட்சி தாவலால் அவ்வப்போது பிரச்சினையும் நிலவி வருகிறது. இந்நிலையில் காங்கிரஸ் கட்சியில் உள்கட்சி பூசல் உச்சம் தொட்ட நிலையில், கோவையில் மூன்று தலைவர்களை கூண்டோடு நீக்கி காங்கிரஸ் மேலிடம் உத்தரவிட்டுள்ளது.
மாநகர் மாவட்ட தலைவர் கருப்புசாமி, வடக்கு மாவட்ட தலைவர் VMC மனோகரன், தெற்கு மாவட்ட தலைவர் N.K.பகவதி ஆகிய மூவரும் பொறுப்பில் இருந்து நீக்கப்பட்டுள்ளனர். 2026 சட்டமன்ற் தேர்தலில் கூடுதல் தொகுதிகளை குறிவைத்து தலைமை நகர்ந்தாலும், நிர்வாகிகளிடையே உள்கட்சி பூசல் விவகாரம் பெரும் தலைவலியாக மாறி இருக்கிறது.