பொதுவாகவே இன்றைய காலத்தில் சிறியவர்கள் முதல் பெரியவர்கள் வரை அனைவருமே ஸ்மார்ட் போன் பயன்படுத்தி வருகிறார்கள். போன் இல்லாமல் ஒரு நாள் கூட இருக்க முடியாது என்ற சூழல் தான் தற்போது நிலவுகிறது. அந்த அளவிற்கு சமூக ஊடகங்களின் பயன்பாடும் அதிகரித்து விட்டது. ஒருவர் பல்வேறு சமூக வலைத்தளங்களில் கணக்கு வைத்துக் கொள்வதால் அத்தனை கணக்குகளின் பாஸ்வேர்டுகளையும் நினைவில் வைத்துக் கொள்ள முடிவதில்லை. மேலும் ஸ்மார்ட் ஃபோன்களில் தானாக உள்நுழைய அனுமதிக்கப்படுவதால் பலரும் பாஸ்வேர்டை மறந்துவிடும் வாய்ப்பு அதிகரித்து விட்டது. இப்படியான சூழலில் மறந்து போன பாஸ்வேர்டுகளை எவ்வாறு கண்டுபிடிப்பது என்பது குறித்து இந்த பதிவில் பார்க்கலாம்.
Facebook, instagram, gmail போன்ற செயலிகளின் கணக்குகளுக்கான பாஸ்வேர்டுகள் மறந்துவிட்டால் இந்த முறையை பயன்படுத்தி எளிதில் கண்டுபிடிக்கலாம்.
உங்கள் அனைத்து சமூக ஊடக கணக்குகளுக்கான பாஸ்வேர்டுகளும் உங்களுடைய ஃபோனில் பாதுகாப்பாக சேமிக்கப்பட்டு இருக்கும். அதற்கு உங்கள் போனில் உள்ள settings என்பதற்குச் சென்று கீழே ஸ்க்ரோல் செய்து Google விருப்பத்தை கண்டறிய வேண்டும். Google விருப்பத்தை தேர்ந்தெடுத்து பிறகு google services என்பதை தேர்ந்தெடுக்க வேண்டும். All services என்ற விருப்பத்தை தேர்ந்தெடுக்க வேண்டும்.
தொடர்ந்து autofill with google என்பதை தேர்ந்தெடுக்க வேண்டும். பின்னர் google password manager என்பதை தேர்ந்தெடுக்க வேண்டும். அதில் உங்கள் போனில் உள் நுழைந்துள்ள அனைத்து செயலிகளும் வரிசையாக பட்டியலிடப்பட்டிருக்கும். நீங்கள் எந்த செயலியின் பாஸ்வேர்டை பார்க்க வேண்டுமோ அதை கிளிக் செய்ய வேண்டும். பிறகு உங்களுடைய போனில் கைரேகை அல்லது பாஸ்வேர்டை பயன்படுத்தி அந்த செயலியின் பயனர் ஐடி மற்றும் பாஸ்வேர்டை நீங்கள் பார்வையிட முடியும்