தனுஷ் கைவிட்ட கதையை டேக் ஆஃப் பண்ணும் ஜெயம் ரவி.. படத்தை இயக்கப்போவது இவர் தானா..?

ரவி மோகன் தமிழ் சினிமாவில் பணியாற்றும் முன்னணி மற்றும் புகழ்பெற்ற நடிகர் ஆவார். இவரது தந்தை மோகன் தமிழ் சினிமாவில் எடிட்டராக பணிபுரிந்தார் மற்றும் இவரது அண்ணன் மோகன் ராஜா இயக்குனராகமும் இருக்கிறார். அதன் மூலம் சினிமாவில் நடிக்கும் வாய்ப்பு ரவி மோகனுக்கு கிடைத்தது. 2002 ஆம் ஆண்டு “ஜெயம்” என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார். முதல் படமே அவருக்கு வெற்றி படமாக அமைந்தது. அதைத்தொடர்ந்து எம் குமரன் சன் ஆப் மகாலட்சுமி, தாஸ், உனக்கும் எனக்கும், சந்தோஷ் சுப்பிரமணியம் என பல வெற்றி திரைப்படங்களில் நடித்து தமிழ் சினிமாவின் சாக்லேட் பாயாக வலம் வந்தார் ரவி மோகன்.

அதற்குப் பிறகு பல கமர்சியல் திரைப்படங்களில் நடிக்க ஆரம்பித்தார். பேராண்மை, பூலோகம், தனி ஒருவன், டிக் டிக் டிக் என பலதரப்பட்ட திரைப்படங்களில் நடித்து மக்கள் மனதில் இடம்பிடித்தார் ரவி மோகன். அதிலும் குறிப்பாக மணிரத்னம் இயக்கிய “பொன்னியின் செல்வன்” திரைப்படத்தில் முக்கிய கதாபாத்திரத்தில் நடித்ததன் மூலம் புகழ்பெற்றார் ரவி மோகன். தற்போது பல படங்களில் கமிட்டாகி பிசியான நடிகராக வலம் வந்து கொண்டிருக்கிறார். ரவி மோகன் நடித்த காதலுக்கு நேரமில்லை திரைப்படம் பொங்கலை  முன்னிட்டு  வெளியாகி  ஓடி கொண்டிருக்கிறது. அதை தொடர்ந்து ஜீனி திரைப்படம் மார்ச் மாதம் வெளியாக இருக்கிறது.  இப்படியான நிலையில் தற்போது ரவி மோகன் கௌதம் மேனன் இயக்கத்தில் ஒரு படத்தில் நடிக்கப் போவதாக சமீபத்தில் தகவல் வெளியானது.

இது வெற்றிமாறனின் கதை தான். சமீபத்தில் கூட வெற்றிமாறன் இந்த தகவலை உறுதிப்படுத்தி இருந்தார். தனுஷை வைத்து ஆடுகளம் திரைப்படத்தை இயக்கி முடித்த பிறகு தனுசுக்காக வெற்றிமாறன் சூதாடி என்ற டைட்டிலுடன் ஒரு கதையை எழுதி இருந்தார். கிட்டத்தட்ட 15 நாட்கள் படத்தின் படப்பிடிப்பு எல்லாம் நடந்துள்ளது. ஆனால் சில காரணங்களால் படம் அப்படியே டிராப் ஆகிவிட்டது. அந்த கதையை தான் தற்போது இந்த காலத்திற்கு ஏற்றது போல வெற்றிமாறன் சில சில மாற்றங்களை செய்துள்ளதாகவும் அதில் தான் தற்போது ரவி மோகன் நடிக்க உள்ளதாகவும் கூறப்படுகிறது. அந்தக் கதையை தான் தற்போது கௌதம் மேனன் இயக்க உள்ளார். இந்த தகவலை வலைப்பேச்சு குழுவினர் வெளியிட்டுள்ளனர்.