சேலம் மாவட்டம் பள்ளப்பட்டியில், சேலம் மேற்கு தொகுதி பாமக வேட்பாளர் அருளை ஆதரித்து மருத்துவர் ராமதாஸ் தீவிரப் பிரச்சாரத்தில் ஈடுபட்டார். பொதுக்கூட்டத்தில் தனது உரையை ஆவேசமாகப் பேசி முடித்த சிறிது நேரத்திலேயே, அவருக்குத் திடீரென உடல்நலக் குறைவு ஏற்பட்டு எதிர்பாராத விதமாக மேடையிலேயே மயங்கி விழுந்தார்.
இதனால் அங்கு பெரும் பரபரப்பு நிலவிய நிலையில், உடனடியாக அங்கிருந்த கட்சி நிர்வாகிகள் மற்றும் தொண்டர்கள் அவரை மீட்டு சிகிச்சைக்காக அருகில் உள்ள மருத்துவமனைக்கு அழைத்துச் சென்றனர். தொடர் பிரச்சாரக் களத்தில் இருந்த அவருக்கு ஏற்பட்ட இந்தத் திடீர் உடல்நல பாதிப்பு, பாமக தொண்டர்களிடையே மிகுந்த கவலையை ஏற்படுத்தியுள்ளது.