நடிகர் பிரகாஷ் ராஜின் விமர்சனத்திற்குப் பதிலடி கொடுக்கும் வகையில், தமிழக வெற்றிக் கழகத்தைச் சேர்ந்த அமைச்சர் ராஜ் மோகன் ஆவேசமாகப் பேசியுள்ளார். “முதலமைச்சர் மகன் துணை முதலமைச்சர் ஆகும்போது, ஒரு சாதாரண ஓட்டுநரின் மகன் சட்டமன்ற உறுப்பினர் (MLA) ஆகக்கூடாதா?” என்று அவர் கேள்வி எழுப்பியுள்ளார். மேலும், தற்போதைய புதிய அரசியல் சூழலில், அந்த ஓட்டுநரின் மகனான சபரிநாதனே சட்டப்பேரவையின் கொறடாவாக நியமிக்கப்பட்டுள்ளார் என்பதையும் அவர் சுட்டிக்காட்டியுள்ளார்.
தமிழக முதலமைச்சர் சி. ஜோசப் விஜய்யின் நீண்ட கால கார் ஓட்டுநரான ராஜேந்திரனின் மகன்தான் இந்த சபரிநாதன். 30 வயதான இவர், அண்மையில் நடைபெற்ற சட்டமன்றத் தேர்தலில் விருகம்பாக்கம் தொகுதியில் போட்டியிட்டு 76,092 வாக்குகள் பெற்று அபார வெற்றி பெற்றார். இதனைத் தொடர்ந்து, சட்டமன்ற உறுப்பினர்களை ஒருங்கிணைக்கும் மிக முக்கியப் பொறுப்பான தமிழக அரசின் தலைமை கொறடா பதவியும் அவருக்கு வழங்கப்பட்டுள்ளது என்பது குறிப்பிடத்தக்கது.