சூப்பர் ஸ்டார் ரஜினிகாந்த் நடிப்பில் உருவான வேட்டையன் திரைப்படம் திரையரங்குகளில் ரிலீசாக உள்ளது. அடுத்ததாக லோகேஷ் கனகராஜ் இயக்கத்தில் உருவாகும் கூலி திரைப்படத்தில் ரஜினிகாந்த் பிசியாக நடித்துக் கொண்டிருக்கிறார். ஆனால் ஷூட்டிங் நடந்து கொண்டிருந்தபோது உடல் நலம் பாதிக்கப்பட்டதால் அவர் மருத்துவமனையில் சிகிச்சைக்காக அனுமதிக்கப்பட்டார்.
அங்கு சிகிச்சை முடிந்து சூப்பர் ஸ்டார் ரஜினிகாந்த் நலமாக வீடு திரும்பினார். அவர் ஓய்வெடுத்த பிறகு கூலி படத்தின் ஷூட்டிங் மீண்டும் தொடங்கப்படும். நெல்சன் இயக்கத்தில் சூப்பர் ஸ்டார் ரஜினிகாந்த் நடித்த ஜெயிலர் திரைப்படம் மாபெரும் அளவில் வெற்றி பெற்று கோடிக்கணக்கில் வசூல் செய்தது.
ஜெயிலர் திரைப்படத்தின் இரண்டாவது பாகத்தை எடுக்க முடிவு செய்தனர். அந்த படத்திற்கு ஹுகும் என பெயர் வைக்கப்பட்டிருப்பதாகவும் கூறப்படுகிறது. கூலி படத்தின் சூட்டிங் முடிந்த பிறகு சூப்பர் ஸ்டார் ரஜினிகாந்த் அந்த பட சூட்டிங் கலந்து கொள்வார் என எதிர்பார்க்கப்படுகிறது. இந்த நிலையில் ரஜினிகாந்த் நடிக்கும் அடுத்த படத்தின் அப்டேட் வெளியாகியுள்ளது.
கடந்த 1991-ஆம் ஆண்டு ரஜினிகாந்த் மணிரத்தினம் இயக்கத்தில் உருவான தளபதி திரைப்படத்தில் நடித்தார். இந்த படம் சூப்பர் ஹிட் ஆனது. சுமார் 33 வருடங்கள் பிறகு மீண்டும் மணிரத்தினம் இயக்கும் படத்தில் ரஜினிகாந்த் நடிக்க உள்ளார். ரஜினியின் பிறந்தநாள் அன்று இது குறித்த அப்டேட் வெளியாகும் என எதிர்பார்க்கப்படுகிறது. இதனால் ரசிகர்கள் மிகுந்த உற்சாகத்தில் உள்ளனர்.