தமிழ் சினிமாவில் முன்னணி நடிகராக கொடிகட்டி பறந்து கொண்டிருப்பவர் தான் சூப்பர் ஸ்டார் ரஜினி. இவர் லதா என்பவரை காதலித்து திருமணம் செய்து கொண்ட நிலையில் இந்த தம்பதிகளுக்கு ஐஸ்வர்யா மற்றும் சௌந்தர்யா என்ற இரண்டு மகள்கள் உள்ளன. மூத்த மகளான ஐஸ்வர்யா நடிகர் தனுஷை காதலித்து திருமணம் செய்து கொண்ட நிலையில் இந்த தம்பதிகளுக்கு இரண்டு மகன்கள் உள்ளனர். பல வருடம் ஒன்றாக சேர்ந்து வாழ்ந்து வந்த இவர்கள் கடந்த சில வருடங்களுக்கு முன்பு தான் விவாகரத்து பெற்று பிரிந்தனர். விவாகரத்திற்கு பிறகு ஐஸ்வர்யா ரஜினி சினிமாவில் கவனம் செலுத்தி வருகிறார்.
இயக்குனராக பல திரைப்படங்களை தயாரித்து உள்ள ஐஸ்வர்யா ரஜினி இறுதியாக தனது தந்தையை வைத்து லால் சலாம் என்ற திரைப்படத்தை இயக்கியிருந்தார். இதனைப் போலவே ரஜினியின் இளைய மகள் சௌந்தர்யாவும் சினிமாவில் தான் கவனம் செலுத்தி வருகிறார். இப்படி இரண்டு மகள்களும் சினிமாவில் இருக்க ரஜினி தங்களுடைய சொந்த செலவில் பணம் எடுக்க வேண்டாம் என்று இருவருக்குமே பலமுறை அறிவுரை கூறியுள்ளார். இதனை பல மேடை நிகழ்ச்சிகளிலும் கூட ரஜினி வெளிப்படையாக கூறியிருக்கிறார்.
சினிமாவை எல்லாம் ஓரம் கட்டி விட்டு குடும்பத்தை கவனியுங்கள் என்று இரண்டு மகள்களுக்குமே ரஜினி அறிவுறுத்தியபோதும் அவர்கள் தனது தந்தையின் பேச்சைக் கேட்காமல் சினிமாவில் பயணித்துக் கொண்டிருக்கிறார்கள். இப்படியான நிலையில் ரஜினியின் மூத்த மகள் ஐஸ்வர்யா தற்போது மாரி செல்வராஜ் இயக்கத்தில் வெளிவந்த வாழை திரைப்படம் போல ஒரு திரைப்படத்தை இயக்க உள்ளதாக தெரிகிறது. இரண்டு அறிமுக சிறுவர்களை வைத்து சிறிய பட்ஜெட்டில் இந்த திரைப்படத்தை அவரே இயக்கி தயாரிக்க உள்ளதாகவும் படத்தின் பூஜை ஏப்ரல் நான்காம் தேதி தொடங்க உள்ளதாகவும் கூறப்படுகிறது. இந்த தகவலை வலைப்பேச்சு குழுவினர் சமீபத்தில் வெளியிட்டுள்ளனர்.