CINEMA
ராகவா லாரன்ஸ் தொடங்கிய ‘மாற்றம்’ அறக்கட்டளை.. மனதார பாராட்டிய ரஜினிகாந்த்.. வைரலாகும் ஆடியோ..!
தமிழ் சினிமாவில் நடன இயக்குனராக அறிமுகமாகி அதன்பிறகு ஹீரோவாக இயக்குனராக கலக்கி வருகிறார் ராகவா லாரன்ஸ். பல வருடங்களாக ஆதரவற்ற குழந்தைகள், முதியவர்கள் என பலருக்கும் உதவி செய்து வருகிறார். இப்போது ‘மாற்றம்’ என்ற பெயரில் அறக்கட்டளை ஒன்றே கடந்த மே ஒன்றாம் தேதி தொடங்கி இருக்கின்றார். இதில் எஸ் ஜே சூர்யாவும் இணைந்து ராகவா லாரன்ஸ் உடன் பணியாற்ற உள்ளதாக அவரது எக்ஸ் தளத்தில் வீடியோ ஒன்றை பகிர்ந்திருந்தார்.
அதைத் தொடர்ந்து பல பிரபலங்கள் அவருடன் சேர்ந்து இந்த மாற்றம் அறக்கட்டளைக்கு உதவி செய்து வருகிறார்கள். முதற்கட்டமாக விவசாயிகளுக்கு பயன்படும் வகையில் பத்து ட்ராக்டர்கள், பத்து ஊர்களுக்கு வழங்கப்பட்டன. இந்த விழா நேற்று சென்னையில் நடைபெற்றது. மாற்றம் அறக்கட்டளை தொடங்கியுள்ள நடிகர் ராகவா லாரன்ஸ்க்கு பலரும் வாழ்த்து தெரிவித்து வந்த நிலையில் நடிகர் ரஜினிகாந்த் வாழ்த்து தெரிவித்துள்ளார்.
அந்த வாழ்த்துப் பதிவில் வணக்கம் லாரன்ஸ் மாஸ்டர் நீங்கள் பல வருடமாக நிறைய மக்களுக்கு உதவி செய்து வருகிறார்கள். இப்போது இன்னும் நிறைய ஏழை மக்களுக்கு உதவி செய்வதற்காக மாற்றம் என்கின்ற அறக்கட்டளையை ஆரம்பித்துள்ளீர்கள். இதன் மூலம் நீங்கள் இன்னும் பல்லாயிரம் ஏழை மக்களுக்கு உதவி செய்ய வேண்டும் என்று அந்த ஆண்டவனுடைய அருள் மக்களுடைய துணை எப்போதும் உங்களுக்கு இருக்கணும் வாழ்த்துக்கள் என்று தெரிவித்து இருக்கின்றார். இதனை தன்னுடைய எக்ஸ் தளத்தில் பகிர்ந்து இருக்கின்றார் ராகவா லாரன்ஸ்.
I received voice text wishes for #Maatram initiative from Thalaivar My Guru super star @rajinikanth. I’m very very very happy and touched by your constant support. Thank you so much for your blessings. Guruve Saranam 🙏🏼🙏🏼#Maatram #serviceisgod pic.twitter.com/qgXSmlQkEa
— Raghava Lawrence (@offl_Lawrence) May 4, 2024