தாம்பரம் ரயில் நிலையத்தில் ஓடும் ரயிலில் ஏற முயன்றபோது தவறி விழுந்த பெண் பயணியை, ரயில்வே ஊழியர் துரிதமாகச் செயல்பட்டு மீட்ட அதிர்ச்சி வீடியோவை ரயில்வே நிர்வாகம் வெளியிட்டுள்ளது. கடந்த டிசம்பர் 20, 2025 அன்று, தாம்பரம் ரயில் நிலையத்திலிருந்து சென்னை கடற்கரை நோக்கிச் செல்லவிருந்த மின்சார ரயிலில் பெண் பயணி ஒருவர் ஏற முயன்றார். அப்போது எதிர்பாராதவிதமாக அவர் நிலைதடுமாறி ரயிலுக்கும் நடைமேடைக்கும் இடையே உள்ள இடைவெளியில் விழப் போனார்.
Swift alertness by Shri Nithish Kumar, Ticket Checking Staff (CCTC/TBM), at Tambaram on 20.12.2025, saved a lady passenger who accidentally slipped while boarding a Beach-bound train.
His timely action and presence of mind averted a serious accident, reflecting exemplary… pic.twitter.com/qRhNsgLcrA
— Southern Railway (@GMSRailway) December 22, 2025
அருகில் பணியில் இருந்த பயணச் சீட்டுப் பரிசோதகர் (TTE) நிதிஷ்குமார், ஒரு நொடி கூட தாமதிக்காமல் பாய்ந்து சென்று அந்தப் பெண்ணைப் பிடித்து இழுத்துக் காப்பாற்றினார். அவரது இந்த மின்னல் வேகச் செயலால் ஒரு பெரும் உயிர்ச் சேதம் தவிர்க்கப்பட்டது. நிதிஷ்குமாரின் இந்த அசாத்தியமான கடமை உணர்வையும், பயணிகளின் பாதுகாப்பு மீதான அர்ப்பணிப்பையும் ரயில்வே உயர்மட்ட அதிகாரிகள் மற்றும் பொதுமக்கள் பாராட்டி வருகின்றனர். சமீபகாலமாக ஓடும் ரயிலில் ஏறுவதும் இறங்குவதும் போன்ற ஆபத்தான செயல்களால் விபத்துகள் அதிகரித்து வருவதால், பயணிகள் எச்சரிக்கையுடன் இருக்குமாறு தெற்கு ரயில்வே அறிவுறுத்தியுள்ளது.