ரூ.2000 கொடுத்தால் இளம்பெண்களுடன் உல்லாசம்… ஸ்பாவில் சிக்கிய இளைஞர்கள்… இறுதியில் காத்திருந்த ட்விஸ்ட்…!

நாகர்கோவில் பகுதியில் ஸ்பா என்ற பெயரில் சட்டவிரோதமாக இயங்கி வந்த விபச்சார விடுதி ஒன்றில் போலீசார் அதிரடி சோதனை நடத்தி, ஐந்து பேரைக் கைது செய்துள்ளனர். கன்னியாகுமரி மாவட்டம், நாகர்கோவில் ஒழுகினசேரி பகுதியில் உள்ள தனியார் லாட்ஜ் ஒன்றில் மசாஜ் சென்டர் என்ற பெயரில் விபச்சாரம் நடப்பதாக போலீசாருக்கு ரகசிய தகவல் கிடைத்தது. இதனையடுத்து, வடசேரி காவல் உதவி ஆய்வாளர் குத்தாலிங்கம் மப்டியில் (சாதாரண உடையில்) அங்கு சென்று கண்காணிப்புப் பணியில் ஈடுபட்டார்.

அப்போது அந்த லாட்ஜில் பணிபுரியும் ஊழியர் அருள் மோகன் என்பவர், மப்டியில் இருந்தவர் போலீஸ் என்று தெரியாமல் அவரிடம் அணுகியுள்ளார். “வெறும் 2,000 ரூபாய் கொடுத்தால் இளம்பெண்களுடன் ஜாலியாக இருக்கலாம்” என்று கூறி அவர் அழைத்துள்ளார். இதன் மூலம் அந்த லாட்ஜில் விபச்சாரம் நடப்பது உறுதியானது. உடனடியாக உதவி ஆய்வாளர் கொடுத்த தகவலின் பேரில், இன்ஸ்பெக்டர் வேலம்மாள் தலைமையிலான போலீசார் அந்த லாட்ஜில் அதிரடி சோதனை நடத்தினர்.

இந்த சோதனையின் போது, அங்கு கட்டாயப்படுத்தி விபச்சாரத்தில் ஈடுபடுத்தப்பட்ட இரண்டு இளம்பெண்கள் பாதுகாப்பாக மீட்கப்பட்டனர். சட்டவிரோதமாக இந்தத் தொழிலை நடத்தி வந்த எபின் பிரிட்டோ, தஹில், லாட்ஜ் மேலாளர் விஜிஜன் மிதுன்பாபு மற்றும் ஊழியர் அருள் மோகன் உட்பட மொத்தம் 5 பேரை போலீசார் கைது செய்தனர். இந்தச் சம்பவம் நாகர்கோவில் பகுதியில் பெரும் பரபரப்பை ஏற்படுத்தியுள்ள நிலையில், மற்ற லாட்ஜ்களிலும் போலீசார் தங்கள் கண்காணிப்பைத் தீவிரப்படுத்தியுள்ளனர்.