“பொதுமக்களைத் தெருநாய்களுடன் ஒப்பிட்டுப் பேசும் அளவுக்கு நான் இரக்கமோ அல்லது மனமோ இல்லாதவன் இல்லை” என்று பிரபல நடிகரும் இயக்குநருமான ராகவா லாரன்ஸ் அவர்கள் உருக்கமாக விளக்கம் அளித்துள்ளார். சமூக வலைத்தளங்களில் பரவி வரும் தவறான புரிதல்களுக்கு முற்றுப்புள்ளி வைக்கும் வகையில் அவர் வெளியிட்டுள்ள இந்த அறிக்கை, ரசிகர்களிடையே பெரும் ஆறுதலை ஏற்படுத்தியுள்ளது.
மேலும் இதுகுறித்து விரிவாகப் பேசியுள்ள அவர், “நான் எப்போதும் எனது ரசிகர்களையும், பொதுமக்களையும் எனது தாய்க்கு நிகராகவே மதித்து வந்துள்ளேன்; அவர்களின் மீது எனக்கு ஆழமான மரியாதையும் அன்பும் உண்டு” என்று குறிப்பிட்டுள்ளார். தான் பேசியது ஒரு புதிய சூழலுக்குப் பழகிக்கொள்வதற்கு மனிதர்களுக்குச் சிறிது காலம் எடுக்கும் என்பதைப் பற்றி மட்டுமே என்றும், அந்தப் பேச்சில் தான் எந்த இடத்திலும் பொதுமக்களைத் தவறாகக் குறிப்பிடவில்லை என்றும் அவர் திட்டவட்டமாகத் தெளிவுபடுத்தியுள்ளார்.