“மார்பகத்தில் பேட் வைக்க சொல்வாங்க” உங்க அக்கா, தங்கச்சிகிட்ட இப்படித்தான் சொல்வீங்களா..? – திரையுலகின் ‘பேடிங்’ கலாச்சாரம் குறித்து ராதிகா ஆப்தே ஆவேசம்…!!!

தென்னிந்தியத் திரைப்படங்களில் பணியாற்றியபோது தனக்கு ஏற்பட்ட கசப்பான அனுபவங்களை நடிகை ராதிகா ஆப்தே சமீபத்திய பேட்டி ஒன்றில் பகிர்ந்துள்ளார். தென்னிந்தியாவில் பல தரமான திரைப்படங்கள் உருவானாலும், சில நேரங்களில் நடிகைகளைத் திரையில் எடுப்பாகக் காட்டுவதற்காக மார்பகம் மற்றும் பின்புறப் பகுதிகளில் அதிகப்படியான ‘பேட்களை’ (Pads) பயன்படுத்துமாறு கட்டாயப்படுத்துவதாக அவர் தெரிவித்துள்ளார்.

தான் மேக்கப் போட்டுக்கொண்டிருக்கும் போதே உதவி இயக்குநர்கள் வந்து, “மேடம் பேடிங்…” என்று கூறிவிட்டுச் செல்வது தனக்கு மிகுந்த அசெளகரியத்தையும், கோபத்தையும் ஏற்படுத்தியதாகக் குறிப்பிட்டுள்ளார்.  இத்தகையச் சூழலில், “உங்கள் வீட்டில் இருக்கும் அம்மா அல்லது சகோதரிகளிடமும் இதுபோல அதிக பேட்களை வைக்குமாறு சொல்வீர்களா?” என்று அவர்களிடம் கேட்கத் தோன்றும் என ராதிகா ஆப்தே தனது ஆதங்கத்தைப் பதிவு செய்துள்ளார்.