வாகை சூடவா படத்தில் அழுத்தமான நடிப்பை வெளிப்படுத்தி ரசிகர்களின் மனதை கவர்ந்தவர் இனியா. ஆனால் பிறகு அவர் நடித்த சில படங்களில் கவர்ச்சியாக நடித்தார். இப்போது ஸ்வீட்டி நாட்டி கிரேஸி என்ற படத்தில் இனியா மிகவும் கவர்ச்சியாக நடித்திருக்கிறார். இந்த படத்தில் கதாநாயகனாக திரிகுண் நடித்துள்ளார். ஸ்ரீ ஜீதா கதாநாயகியாக நடித்துள்ளார். இதில் அவரது அக்காவாக இனியா நடித்திருக்கிறார்.
இந்த படத்தில் ஹீரோவின் மாமியாராக சுந்தரா டிராவல்ஸ் நடிகை ராதா நடித்திருக்கிறார். ஹீரோ மற்றும் இந்த 3 பெண்களை சுற்றிய அடல்ட் கன்டன்ட் கதையாக ஸ்வீட்டி நாட்டி கிரேஸி படம் உருவாகி உள்ளது. இவர்களுக்கும் ஹீரோவுக்கும் இடையே நடக்கும் கிளுகிளுப்பான விஷயங்களே முக்கியமான காட்சிகளாக கதைக்கருவாக உள்ளது.
முதன்முறையாக நடிகை இனியா இப்படிப்பட்ட ஜானரில் உள்ள படத்தில் நடித்திருக்கிறார். இது கண்டிப்பாக சர்ச்சையை ஏற்படுத்தும் என்று தெரிந்தும் துணிச்சலாக இந்த படத்தில் நடித்திருக்கிறார். மேலும் இந்த படத்தில் அவர் இரட்டை அர்த்த வசனங்களையும் சகஜமாக பேசி நடித்திருக்கிறார். சுந்தரா ட்ராவல்ஸ் நடிகை ராதாவும் முதன்முறையாக கவர்ச்சி நாயகியாக இந்த படத்தில் நடித்திருக்கிறார். அவரது கணவராக தம்பி ராமையா நடித்துள்ளார்.