இனி மாணவிகள் செயின், கம்மல், வளையல் அணியக்கூடாது… மாநிலம் முழுவதும் பரந்த அதிரடி உத்தரவு…!

புதுச்சேரி மாநிலத்தில் பள்ளி மாணவிகள் காதில் கம்மல், கழுத்தில் செயின், கைகளில் கயிறு மற்றும் வளையல் உள்ளிட்டவற்றை அணிந்து வரக்கூடாது என்று பள்ளிக்கல்வித்துறை உத்தரவிட்டுள்ளது. புதுச்சேரி பள்ளிக்கல்வித்துறை சார்பில் அனைத்து பள்ளிகளுக்கும் மாணவர்களுக்கான கட்டுப்பாடு குறித்த புதிய அறிக்கை வெளியிடப்பட்டுள்ளது. அதன்படி, மாணவர்கள் தங்களுடைய தலைமுடியை சீராக வெட்டி இருக்க வேண்டும். கை மற்றும் கால்களில் நகங்களை ஒழுங்காக வெட்டி இருக்க வேண்டும். காதில் கம்மல், கழுத்தில் செயின், கைகளில் கயிறு, வளையல் உள்ளிட்டவற்றை மாணவ மாணவிகள் அணிந்து வரக்கூடாது என உத்தரவிடப்பட்டுள்ளது.

பள்ளிகளுக்கு கொண்டு செல்லும் லேப்டாப்பில் பாரங்களைத் தவிர விளையாட்டு மற்றும் விரும்பத்தகாத வீடியோக்கள் இருந்தால் லேப்டாப் பறிமுதல் செய்யப்படும் எனவும் அரசு எச்சரித்துள்ளது. மேலும் எக்காரணம் கொண்டு மாணவர்கள் பள்ளிக்கு செல்போன் எடுத்து வர அனுமதி கிடையாது என்று பள்ளிக்கல்வித்துறை தெரிவித்துள்ளது. மேலும் பள்ளிக்கு வரும் மாணவர்கள் வகுப்பு தொடங்குவதற்கு குறைந்தது 15 நிமிடங்கள் முன்பாக வரவேண்டும் எனவும் தாமதமாக வந்தால் அவர்களின் பெற்றோர்கள் வகுப்பு ஆசிரியரிடம் விளக்கம் அளிக்க வேண்டும் எனவும் அறிவுறுத்தியுள்ளது. மேற்கொள்ளப்படும் என பள்ளிக்கல்வித்துறை தெரிவித்துள்ளது. இந்த விதிமுறை அனைத்து அரசு மற்றும் தனியார் பள்ளிகளுக்கு பொருந்தும் என அரசு தெரிவித்துள்ளது.