கடைகளில் விற்கக்கூடிய பாத்திரம் கழுவும் திரவங்களில் அதிகப்படியான கெமிக்கல் கலந்திருப்பதால் அதிகமாக பயன்படுத்தும் பெண்களுக்கு சில சேதங்களையும், வளர்ச்சிகளையும் அது ஏற்படுத்தக் கூடும். அதிக விலை கொடுத்து வாங்கினாலும் பக்க விளைவுகள் ஏற்படும். ஆனால் வீட்டில் உள்ள சில பொருட்களை வைத்து பாத்திரம் கழுவும் திரவத்தை எளிதில் தயாரிக்கலாம். அதற்கு உங்க கையில் வெறும் பத்து ரூபாய் மட்டும் இருந்தால் போதும். இயற்கையான நறுமணத்துடன் சுத்தமாக பாத்திரம் கழுவ இந்த திரவம் உதவியாக இருக்கும். புத்துணர்ச்சி ஊட்டக்கூடிய இந்த திரவத்தை தயாரிக்க எலுமிச்சை பழங்கள் – 4, தண்ணீர் 1 லிட்டர், பாத்திரம் கழுவும் திரவம் 2 ஸ்பூன் தேவைப்படும்.
முதலில் நான்கு எலுமிச்சை பழங்களை தனியாக வெட்டி வைத்துக்கொள்ள வேண்டும். ஒரு கிண்ணத்தில் வெட்டி வைத்திருக்கும் எலுமிச்சை துண்டுகளை சேர்க்கவும். அதில் ஒரு லிட்டர் தண்ணீர் ஊற்றி அந்த பாத்திரத்தை அடுப்பில் வைத்து நன்கு கொதிக்க வைக்கவும். சுமார் இரண்டு நிமிடங்கள் கொதித்து வரும்போது இரண்டு நிமிடங்களுக்கு பிறகு அடுப்பை அணைத்துவிட்டு தண்ணீர் முழுமையாக குளிர்ந்ததும் வேகவைத்த எலுமிச்சை துண்டுகளை கையால் தண்ணீரில் நன்கு பிழிந்து எலுமிச்சையின் கடைசி சொட்டு வரை கூட வீணாகாமல் எடுக்க வேண்டும். பிறகு ஒரு வடிகட்டியை பயன்படுத்தி எலுமிச்சை விதைகளை அகற்ற வேண்டும். கடைசியாக எலுமிச்சை கலந்த நீரில் இரண்டு ஸ்பூன் வழக்கமான பாத்திரம் கழுவ பயன்படுத்தும் திரவத்தை கலந்தால் நீங்கள் இயற்கையான முறையில் பயன்படுத்தும் பாத்திரம் கழுவும் திரவம் தயாராகிவிடும். இதனால் பாத்திரம் பளபளப்பாகவும் நறுமணத்துடனும் இருக்கும்.