CINEMA
பிக்பாஸ் வீட்டை விட்டு வெளியேற்றப்பட்ட பிரதீப், டிவிட்டரில் போட்ட முதல் போஸ்ட் இதுதான் – இவரு இப்படித்தான் இருப்பாரோ?
விஜய் டிவியில் கடந்த 5 வாரங்களாக, பிக்பாஸ் சீசன் 7 ஒளிபரப்பாகி வருகிறது. சீசன் துவங்கிய நாளில் இருந்தே, வீட்டுக்குள் பிரச்னைகளும், பஞ்சாயத்துகளும் குறையவே இல்லை. தினமும் ஏதாவது ஒரு கண்டென்ட் என்ற பெயரில் போட்டியாளர்கள் ஒருவருக்கு ஒருவர் சண்டையிட்டுக் கொள்வதும், கடுமையான வார்த்தைகளில் திட்டிக்கொள்வதும் தொடர்ந்து நடக்கிறது. இதில் சிலர் விதிமுறை மீறல் மட்டுமின்றி, வரன்முறை தாண்டியும் பிக்பாஸ் வீட்டுக்குள் நடந்துக்கொள்வது பார்வையாளர்களை திகைப்படைய வைக்கிறது.
அருவி படத்தில் உதவி இயக்குநர் கேரக்டரில் நடித்திருப்பார் பிரதீப். அவர், இந்த பிக்பாஸ் சீசன் 7 நிகழ்ச்சியில் ஒரு போட்டியாளராக கலந்துக்கொண்டார். பல விஷயங்களில் உண்மையாக அவர் நடந்துக் கொண்டதாக, பார்வையாளர்கள் மத்தியில் அவர் பாராட்டப்பட்டார். மற்ற போட்டியாளர்கள் கேமராக்கள் முன் நடித்த நிலையில், பிரதீப் பல விஷயங்களில் தன் மன உணர்வுகளை அப்படியே வௌிப்படுத்தி, கடந்த வாரத்தில் நல்ல ரேட்டிங்கில் இருந்தார்.
இந்நிலையில், நேற்று நடந்த பிக்பாஸ் நிகழ்ச்சியில், கமல்ஹாசன் பங்கேற்று போட்டியாளர்களிடம் பேசிக்கொண்டு இருந்தார். அப்போது, அங்கிருந்த பெண் போட்டியாளர்கள் பலரும், பிரதீப் மீது குற்றச்சாட்டுக்களை கூறினர். குறிப்பாக, அவரால் இந்த வீட்டுக்குள் பெண்களுக்கு பாதுகாப்பில்லை என்றனர். அதுவும், பாத்ரூமை திறந்துவைத்துக்கொண்டு பயன்படுத்துகிறார் எனவும் குற்றம் சாட்டினர்.
இதையடுத்து அவருக்கு ரெட் கார்டு காட்டி, பிக்பாஸ் வீட்டை விட்டு கமல் அவரை வெளியேற்றினார். இதைத்தொடர்ந்து வீட்டுக்கு வந்த பிரதீப், தனது லைக் சிம்பல்ஸ், கோழி இறகு, பின்னூசி, லாலிபப் மிட்டாய் குச்சி, ஸ்டார் போன்றவற்றை புகைப்படம் எடுத்து, தனது டிவிட்டர் பக்கத்தில் போஸ்ட் செய்துள்ளார். பிபி 7 டிராபிஸ் என்ற கேப்சனுடன் பதிவிட்டுள்ளார்.