பிரபல நடன இயக்குனர் சுந்தரத்தின் மகனான நடிகர் பிரபுதேவா திரைப்பட நடிகர், நடன இயக்குனர் மற்றும் திரைப்பட இயக்குனரும் ஆவார்.இவர் வேகமாக நடனம் ஆடும் திறமைக்காக இந்தியாவின் மைக்கில் ஜாக்சன் என்றும் கூறுவார்கள். இவர் இதுவரை சுமார் 100 க்கும் மேற்ப்பட்ட படங்களில் நடனமாடியுள்ளார். இவரது முதல் நடனம் வெற்றி விழா என்ற படத்திலிருந்து ஆரம்பமானது.
இவர் 1989 ல் இவர் இந்து என்ற படத்தில் ரோஜாவுடேன் இணைந்து நடித்திருந்தார். இதுவே இவர் ஹீரோவாக நடித்த முதல் படமாகும். இவருக்கு மின்சாரக்கனவு என்ற படத்தில் இடம்பெற்ற வெண்ணிலவே பாடலுக்காக சிறந்த நடன ஆசிரியருக்கான இந்திய தேசிய திரைப்பட விருது கிடைத்தது. பின்னர் போக்கிரி , வில்லு, எங்கேயும் காதல் போன்ற பல தமிழ் மற்றும் ஹிந்தி படங்களையும் இயக்கியுள்ளார்.இப்படங்கள் ரசிகர்களால் கவரப்பட்டு, மிகப்பெரிய வெற்றியை தேடித்தந்தது.
இந்நிலையில் அவர் தற்போது வெங்கட் பிரபு இயக்கத்தில் விஜய் நடித்து கொண்டிருக்கும் Goat படத்தில் முக்கியமான கதாப்பாத்திரத்தில் நடித்து வருகிறார்.இந்த படத்தின் போஸ்டர் நேற்று வெளியான நிலையில் அதில் பிரபுதேவாவும் இடம்பெற்று இருந்தார். இந்த நிலையில் பிரபுதேவா தனது பொங்கல் வாழ்த்தை தெரிவித்த வீடியோ ஒன்றை சமூக வலைதளத்தில் பதிவிட்டார்.
இதில் அவர் தனது இரண்டு மகன்களுடன் இணைந்து பொங்கல் வாழ்த்து கூறினார். இவரின் ரசிகர்களுக்கு ஒரு மகனை மட்டுமே தெரிந்திருந்த நிலையில் தற்போது தனது இரண்டாவது மகனையும் ரசிகர்களுக்கு காட்டியுள்ளார். இந்த வீடியோ தற்போது இணையத்தில் வைரலாக பரவி வருகிறது.
— Prabhudheva (@PDdancing) January 15, 2024