அஞ்சலகத்தின் தேசிய சேமிப்புச் சான்றிதழ் (NSC) திட்டம், நடுத்தர வர்க்க முதலீட்டாளர்களுக்கு ஒரு பாதுகாப்பான முதலீட்டு வாய்ப்பை வழங்குகிறது. தற்போது இந்தத் திட்டத்திற்கு ஆண்டுக்கு 7.7 சதவீத வட்டி வழங்கப்படுவதால், ஒரே தவணையாக 10 லட்ச ரூபாய் டெபாசிட் செய்பவர்களுக்கு ஐந்து ஆண்டுகள் முடிவில் வட்டியாக மட்டுமே 4,49,034 ரூபாய் கிடைக்கும்.
இதன் மூலம் முதிர்வு காலத்தில் அசல் மற்றும் வட்டியுடன் சேர்த்து சுமார் 14.5 லட்ச ரூபாய் வரை வருமானம் ஈட்ட முடியும். மத்திய அரசின் நேரடிப் பார்வையில் இந்தத் திட்டம் செயல்படுவதால், முதலீடு செய்யும் பணத்திற்கு 100 சதவீதம் பாதுகாப்பு உறுதி செய்யப்படுகிறது.
இந்தத் திட்டத்தில் குறைந்தபட்சம் 1,000 ரூபாயிலிருந்து முதலீட்டைத் தொடங்கலாம் என்பதுடன், வருமான வரிச் சட்டத்தின் 80C பிரிவின் கீழ் வரிச் சலுகைகளையும் பெற்றுக்கொள்ள முடியும். இந்தியக் குடிமக்கள் மட்டுமே இதில் கணக்கைத் தொடங்க முடியும் என்ற கட்டுப்பாடு உள்ள நிலையில், மைனர்கள் மற்றும் கூட்டுக் கணக்குகளுக்கும் அனுமதி உண்டு.
ஐந்து ஆண்டுகள் வரை முதலீட்டைத் தொடர விரும்புபவர்களுக்கு இது ஒரு சிறந்த சேமிப்பு முறையாகும். லாபகரமான வட்டி விகிதம் மற்றும் வரி விலக்கு போன்ற காரணங்களால் நிதித் திட்டமிடலுக்கு இந்தத் திட்டம் பெரும் உதவியாக இருக்கும்.