தமிழக வெற்றிக் கழகத்தில் (தவெக) அண்மையில் புதிதாக இணைந்த முக்கிய முகங்களுக்கு கட்சிப் பதவிகளை வழங்குவது தொடர்பாக, கட்சியின் தலைவர் விஜய் இன்று தீவிர ஆலோசனை நடத்தவுள்ளார். இதற்காக இன்று பிற்பகல் 3 மணிக்கு சென்னை பனையூரில் உள்ள தவெக தலைமை அலுவலகத்திற்குச் செல்லும் அவர், கட்சியின் மூத்த தலைவர்களுடன் இந்த நியமனங்கள் குறித்து விரிவாகக் கலந்தாலோசிக்க உள்ளதாகக் கூறப்படுகிறது.
கட்சியின் அடுத்தகட்ட வளர்ச்சி மற்றும் களப்பணிகளை வலுப்படுத்தும் நோக்கில் இந்த கூட்டம் கூட்டப்பட்டுள்ளதால், ஆலோசனை முடிந்தவுடன் புதிதாக இணைந்தவர்களுக்கு முக்கியப் பொறுப்புகள் வழங்கப்படுவது குறித்த அதிகாரப்பூர்வ அறிவிப்பு பனையூர் வட்டாரங்களில் இருந்து விரைவில் வெளியாகும் என எதிர்பார்க்கப்படுகிறது.