குழந்தை நட்சத்திரமாக தன்னுடைய கெரியரை தொடங்கி தமிழ், தெலுங்கு என இரண்டு மொழிகளிலும் சிறந்த குழந்தை நட்சத்திரம் என்று பல விருதுகளை வாங்கி குவித்தவர் தான் முன்னணி நடிகையான சங்கீதா. பூவே உனக்காக திரைப்படத்தில் விஜய்க்கு ஜோடியாக நடித்ததன் மூலம் இவருக்கு தமிழ் ரசிகர்கள் மத்தியில் மிகப்பெரிய கூட்டம் உருவாகியது. தமிழை விட தெலுங்கில் மிகப்பெரிய அந்தஸ்தை பெற்று முன்னணி நடிகையாக மாறினார். பூவே உனக்காக திரைப்படத்தில் ஒளிப்பதிவாளராக பணியாற்றிய சரவணன் என்பவரை காதலித்து திருமணம் செய்து கொண்டார். இவர்களுக்கு ஒரே ஒரு மகள்தான் உள்ளார்.
தன்னுடைய மகளின் படிப்பை பற்றியும் அவருடைய வேலையை பற்றியும் சங்கீதா சமீபத்திய ஒரு பேட்டியில் பகிர்ந்துள்ளார். அதாவது சங்கீதாவின் ஒரே ஒரு மகளுக்கு தற்போது 24 வயது ஆகிறதாம். பள்ளிப்படிப்பை எல்லாம் முடித்துவிட்டு பைலட்டாக வேண்டுமென்று சங்கீதாவின் மகள் ஆசைப்பட்டுள்ளார். ஆரம்பத்தில் இது சங்கீதாவுக்கு யோசனையாக இருந்த நிலையில் அவருடைய மகள் அந்த முடிவில் மாறாமல் இருந்துள்ளார்.
அதனால் பள்ளி படிப்பை எல்லாம் முடித்துவிட்டு பைலட் ஆவதற்கான படிப்பை ப்ளோரிடாவில் சங்கீதாவின் மகள் தொடங்கியுள்ளார். அங்கு பயிற்சிகளையும் எடுத்துக்கொண்டு படிப்பை எல்லாம் முடித்துவிட்டு சென்னை திரும்பியவர் இப்போது இந்தியாவுக்குள் பைலட்டாக ஓட்டிக் கொண்டிருக்கிறாராம். எப்போதாவது ஒருமுறை அவர் ஓட்டும் பிளைட்டில் நாங்கள் பயணம் செய்ய வேண்டும் என ஆசைப்பட்டு கொண்டிருக்கிறோம் என்று சங்கீதா தன் கணவருடன் சமீபத்தில் அளித்த ஒரு பேட்டியில் பகிர்ந்துள்ளார்.