பெங்களூரு மாவட்டத்தில் இளம்பெண் ஒருவர் வக்கீலாக பணிபுரிந்து வருகிறார். இவருக்கும் மங்களூரில் நக்சல் ஒழிப்பு படையில் காவலராக பணிபுரிந்து வரும் சித்தேகவுடா என்பவருக்கும் 2024 ஆம் வருடம் பழக்கம் ஏற்பட்டது. இருவரும் ஆரம்பத்தில் நண்பர்களாக இருந்தார்கள். பிறகு காதலிக்க தொடங்கியுள்ளார்கள். இதனையடுத்து இளம்பெண்ணை பார்ப்பதற்கு மங்களூர்விலிருந்து அடிக்கடி சித்தேகவுடா பெங்களூருக்கு வந்துள்ளார்.
மேலும் அவரை திருமணம் செய்வதாக ஆசை வார்த்தை கூறி தனியார் தங்கும் விடுதிக்கு அழைத்து சென்று பலமுறை உல்லாசம் அனுபவித்ததாகவும் கூறப்படுகிறது. அதாவது இளம்பெண் வேறு ஜாதியை சேர்ந்தவர் என்பதால் அவரை திருமணம் செய்ய மறுத்துள்ளார். இது குறித்து கேட்டதற்கு இளம்பெண்ணுக்கு கொலை மிரட்டல் விடுத்ததாகவும் கூறப்படுகிறது. இதனால் பாதிக்கப்பட்ட இளம்பெண் காவல்நிலையத்தில் புகார் அளித்துள்ளார். இதனால் காவல்துறையினர் சித்தேகவுடாவை கைது செய்து சிறையில் அடைந்துள்ளார்கள்.