“முகத்தில் எலும்பு முறிவு… ஒரு கண் பார்வையை இழந்த பெண்…” காவல் அதிகாரியின் கொடூர செயல்… வைரலாகும் ஷாக்கிங் வீடியோ…!!

அமெரிக்காவில் குடிபோதையில் கைது செய்யப்பட்ட பெண் ஒருவரைக் காவல் அதிகாரி ஒருவர் சிமென்ட் பெஞ்சில் பலமாக மோதியதில், அப்பெண் முகத்தில் பலத்த எலும்பு முறிவுகளுடன் ஒரு கண் பார்வையை முற்றிலும் இழந்த கோரச் சம்பவம் சமூக வலைதளங்களில் கடும் அதிர்ச்சியை ஏற்படுத்தியுள்ளது.

அமெரிக்காவில் 47 வயதான கசாண்ட்ரா கோல்ட்ஸ்டீன் என்பவர் குடிபோதையில் வாகனம் ஓட்டியதாகக் கூறி காவல்துறையினரால் கைது செய்யப்பட்டார். அப்போது மைக்கேல் ஹார்ட் என்ற 19 ஆண்டு கால அனுபவமிக்க காவல் அதிகாரி, அப்பெண்ணைக் கொடூரமாகத் தூக்கிச் சிமென்ட் பெஞ்சின் மீது மோதியுள்ளார். இந்த கோரத் தாக்குதலில் கசாண்ட்ராவின் முகத்தில் பல எலும்பு முறிவுகள் ஏற்பட்டதுடன், பல பற்கள் உடைந்து ஒரு கண் பார்வையும் நிரந்தரமாகப் பறிபோனது. மேலும் அவரது முகத்தில் டைட்டானியம் தகடு ஒட்டும் அளவுக்கு அறுவை சிகிச்சையும் செய்யப்பட்டது.

இச்சம்பவம் குறித்துத் தொடரப்பட்ட வழக்கில், தவறிழைத்த அதிகாரி மைக்கேல் ஹார்ட் பணிநீக்கம் செய்யப்பட்டு 2 ஆண்டுகள் சிறைத் தண்டனை விதிக்கப்பட்டார். மேலும், பாதிக்கப்பட்ட கசாண்ட்ராவுக்கு காவல் துறை தரப்பிலிருந்து 8,10,000 அமெரிக்க டாலர்கள் இழப்பீடாக வழங்கப்பட்டது. இருப்பினும், ஒரு பெண்ணின் வாழ்க்கையையே மாற்றியமைத்த இந்த வன்செயலுக்கு வெறும் 2 ஆண்டுகள் மட்டுமே சிறைத் தண்டனையா என உலகெங்கிலும் உள்ள நெட்டிசன்கள் தங்களது கடும் கண்டனங்களையும் ஆத்திரத்தையும் சமூக வலைதளங்களில் பதிவிட்டு வருகின்றனர்.