“நாகையில் சிக்கிய ரூ.300 கோடி போதைப்பொருள்”…. தவெக ஆட்சியில் நடந்த மெகா ஊடுருவல்….. DRI கொடுத்த அதிரடி ரிப்போர்ட்…. ஆதவ் அர்ஜுனை வெளுத்து வாங்கிய முதல்வர் விஜய்…..!

வேதாரண்யம் கடற்பகுதி வழியாக இலங்கைக்குப் போதைப்பொருள் கடத்த முயன்றதாகத் தமிழக வெற்றிக் கழகத்தின் கீழ்வேளூர் தொகுதி பொறுப்பாளர் பூபாலன் வருவாய்ப் புலனாய்வுத் துறையினரால் (DRI) கைது செய்யப்பட்டுள்ள சம்பவம் தமிழக அரசியலில் பெரும் அதிர்வலைகளை ஏற்படுத்தியுள்ளது. சர்வதேச சந்தையில் சுமார் 300 கோடி ரூபாய் மதிப்புள்ள 135 கிலோ மெத்தம்பேட்டமைன் பறிமுதல் செய்யப்பட்டுள்ள இந்த விவகாரம், எதிர்க்கட்சியாக இருந்தபோது போதைப்பொருள் புழக்கத்தைக் கடுமையாக விமர்சித்த தவெக அரசுக்குக் கடுமையான நெருக்கடியைச் சந்தித்துக் கொடுத்துள்ளது.

பூபாலனிடம் நடத்தப்பட்ட விசாரணையின் அடிப்படையில், இத்துறைசார்ந்த பெரியதொரு நெட்வொர்க் குறித்து மத்திய உள்துறை அமைச்சகத்திற்கு வருவாய்ப் புலானாய்வுத்துறை விரிவான அறிக்கையை அனுப்பியுள்ளது. இந்த விவகாரம் தேசிய அளவில் கவனம் பெற்றுள்ள நிலையில், தமிழகத்தில் அதிகரித்து வரும் போதைப்பொருள் கடத்தல் நடவடிக்கைகள் குறித்து மத்திய அரசு தரப்பிலிருந்து கடிதங்கள் அனுப்பப்பட்டுள்ளதாக வெளியாகும் தகவல்கள் ஆளுங்கட்சிக்கு மேலும் தலைவலியை ஏற்படுத்தியுள்ளன.

இதனிடையே, சிறு துறைமுகங்கள் வழியாக நடக்கும் கடத்தல்கள் குறித்து அமைச்சர் ஆதவ் அர்ஜுனாவின் மைத்துனரும், புதுச்சேரி எம்.எல்.ஏவுமான சார்லஸ் மார்ட்டின் பகிரங்கமாகக் கேள்வி எழுப்பியிருப்பது தவெக வட்டாரத்தில் சர்ச்சையைக் கிளப்பியுள்ளது. சொந்தக் கட்சியைச் சேர்ந்த அமைச்சரின் மீதான இத்தகைய விமர்சனங்கள் ஆட்சிக்கு அவப்பெயரை ஏற்படுத்துவதாக உளவுத்துறை எச்சரித்ததை அடுத்து, முதல்வர் விஜய் இதுகுறித்து ஆதவ் அர்ஜுனாவிடம் விளக்கம் கேட்டுள்ளதாகவும் கூறப்படுகிறது.

இந்த உட்கட்சி பூசலையும், இரட்டைத் தலைவலியையும் சமாளிக்கத் தவெக தலைமை தீவிர ஆலோசனையில் ஈடுபட்டுள்ளது. சார்லஸின் அரசியல் நடவடிக்கைகளைக் கட்டுப்படுத்துமாறு ஆதவ் தரப்பு தனது குடும்பத்தினர் மூலமாகத் தூதுவிட்டுள்ள போதிலும், போதைப்பொருள் விவகாரமும் அதைத் தொடர்ந்த அரசியல் சர்ச்சைகளும் தவெக அரசின் நிர்வாகத் திறமை மீது பொதுமக்கள் மத்தியில் கடுமையான கேள்விகளை எழுப்பியுள்ளன.