துபாயிலிருந்து இஸ்ரேலின் டெல் அவிவ் நகருக்குச் சென்று கொண்டிருந்த பிளைடுபாய் விமானத்தில், காக்பிட்டில் இருந்த இரு விமானிகளுக்கிடையே திடீரெனக் கடுமையான வன்முறை மோதல் ஏற்பட்டுள்ளது. இதில் ஒரு விமானி ரத்த வெள்ளத்தில் மிதப்பதைக் காட்டும் அதிர்ச்சியூட்டும் காக்பிட் வீடியோ காட்சிகள் வெளியாகிப் பெரும் பரபரப்பை ஏற்படுத்தியுள்ளன. மோதலின் போது விமானம் 34,000 அடி உயரத்திலிருந்து திடீரென 16,600 அடிக்குக் கீழ்நோக்கிச் சாய்ந்து பாய்ந்ததால், பயணிகள் தீவிரமான பீதியில் அலறினர்.
இதையடுத்து, விமானத்திலிருந்து உடனடியாக அவசர எச்சரிக்கை சமிக்ஞை அனுப்பப்பட்டதால், இஸ்ரேல் நாடு தனது போர் விமானங்களை உடனடியாகப் பாதுகாப்புக்கு அனுப்பியது. இந்தச் சம்பவம் குறித்துச் செய்தி வெளியிட்டுள்ள சி.என்.என் , இது கடத்தல் முயற்சி அல்ல என்றும், விமான ஊழியர்களுக்கு இடையே ஏற்பட்ட உட்கட்டமைப்பு மோதல் என்றும் இஸ்ரேலிய அதிகாரி கூறியதாகத் தெரிவித்துள்ளது. நிலைமை சீர்குலைந்ததை அடுத்து, அந்த விமானம் சவூதி அரேபியாவிற்குத் திருப்பி விடப்பட்டு, அங்கு அவசரமாகத் தரையிறக்கப்பட்டது.
https://twitter.com/i/status/2105241339390804318
இருப்பினும், 9/11 பாணியில் பயங்கரவாதத் தாக்குதல் நடத்தும் நோக்கில் ஏதேனும் ஒரு விமானி விமானத்தைத் தன் கட்டுப்பாட்டில் எடுக்க முயன்றாரா என்ற கோணத்தில் அதிகாரிகள் தீவிரமாக விசாரணை நடத்தி வருவதாக ‘ஜெருசலேம் போஸ்ட்’ செய்தி வெளியிட்டுள்ளது. விமானத்தில் கத்திக்குத்து சம்பவம் நடந்ததாகவும், அதன் பின்னணியில் இருந்த நோக்கம் என்னவென்றும் இன்னும் அதிகாரப்பூர்வமாக உறுதிப்படுத்தப்படவில்லை. சுமார் 100 இஸ்ரேலிய பயணிகள் பயணித்த இந்த விமானத்தில் நடந்த இச்சம்பவம் உலகளவில் பெரும் அதிர்ச்சியை ஏற்படுத்தியுள்ளது.