“ஐபிஎல்-ஆல் என் வாழ்க்கையே முடிந்து போனது” இங்கிலாந்து வாரியத்தின் ‘சதி’யை உடைக்கும் பீட்டர்சனின் அதிரடி வாக்குமூலம்..!!

ஐபிஎல் தொடரின் தொடக்கக் காலங்களில், அதில் விளையாட இங்கிலாந்து கிரிக்கெட் வாரியம் (ECB) கடும் எதிர்ப்பு தெரிவித்தது. ஆனால், பீட்டர்சன் அந்தத் தொடரில் விளையாடுவதில் உறுதியாக இருந்ததால், அவருக்கும் வாரியத்திற்கும் இடையே கடும் மோதல் உருவானது. இது குறித்துப் பேசிய அவர், “ஐபிஎல்-க்காக நான் பெரிய தியாகங்களைச் செய்தேன், அதன் விளைவாக எனது சர்வதேச கேரியரையே இழந்தேன். அந்த ஒரு காரணத்திற்காகவே கிரிக்கெட் வாரியத்தில் இருந்த அனைவரும் எனக்கு எதிராகத் திரும்பினர்” என்று வெளிப்படையாகக் குற்றம் சாட்டியுள்ளார்.

33 வயதிலேயே தனது இங்கிலாந்து பயணம் முடிவுக்கு வந்ததை வருத்தத்துடன் பகிர்ந்த பீட்டர்சன், “நான் 104 டெஸ்ட் போட்டிகளில் விளையாடியுள்ளேன், ஆனால் 150-160 போட்டிகளில் விளையாடி 13,000 ரன்களைக் கடந்திருக்க வேண்டியவன்” என்று குறிப்பிட்டுள்ளார். இருப்பினும், தனது போராட்டத்தின் பலனாகவே இன்று ஜாஸ் பட்லர், பென் ஸ்டோக்ஸ் போன்ற தற்போதைய இங்கிலாந்து வீரர்கள் எவ்வித தடையுமின்றி ஐபிஎல் தொடரில் விளையாடிப் பலன் பெறுகிறார்கள் என்றும், இதற்காக பட்லர் தன்னிடம் நன்றி தெரிவித்ததாகவும் அவர் பெருமிதத்துடன் கூறியுள்ளார்.