வெறும் 50 ரூபாய்க்காக இப்படியா..? போன் ‘OFF’ ஆனதால் Payment தோல்வி… இளைஞரைச் சூழ்ந்து அடித்த ஊழியர்கள்: பகீர் வீடியோ..!!

இமாச்சலப் பிரதேசத்தின் உனா பகுதியில் உள்ள பாத்து-பாத்ரி தொழிற்பேட்டையில் அமைந்துள்ள பெட்ரோல் பங்க் ஒன்றில், மனிதநேயமற்ற முறையில் இளைஞர் ஒருவர் கொடூரமாகத் தாக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. அந்த இளைஞரை அங்கு பணியாற்றும் ஊழியர்கள் கூட்டாகச் சேர்ந்து தாக்கும் காட்சிகள் வெளியாகி சமூக வலைதளங்களில் பலத்த கண்டனங்களைப் பெற்று வருகின்றன.

சம்பவத்தன்று, அந்த இளைஞர் தனது இருசக்கர வாகனத்திற்கு 50 ரூபாய்க்குப் பெட்ரோல் போட்டுள்ளார். அதற்கான தொகையை ஆன்லைன் மூலம் செலுத்த முயன்றபோது, எதிர்பாராதவிதமாக அவரது மொபைல் போன் அணைந்துவிட்டது (Switched off). இதனால் உடனடியாகப் பணத்தைச் செலுத்த முடியாத சூழல் ஏற்பட்டுள்ளது. நிலைமையை விளக்கியும் கேளாத ஊழியர்கள், அந்த இளைஞரிடம் வாக்குவாதத்தில் ஈடுபட்டுள்ளனர்.

இந்தச் சிறு காரணத்திற்காக ஆத்திரமடைந்த ஊழியர்கள், அந்த இளைஞரைச் சூழ்ந்துகொண்டு மிகக் கொடூரமாகத் தாக்கியுள்ளனர். மனிதாபிமானமற்ற இந்தத் தாக்குதல் குறித்துத் தகவல் அறிந்த காவல்துறையினர், தற்போது சம்பந்தப்பட்ட ஊழியர்கள் மீது வழக்குப் பதிவு செய்து விசாரணையைத் தொடங்கியுள்ளனர். வெறும் 50 ரூபாய்க்காக ஒரு மனிதனை மிருகத்தனமாகத் தாக்கிய இந்தச் சம்பவம் அந்தப் பகுதியில் பெரும் பரபரப்பை ஏற்படுத்தியுள்ளது.