மும்பை மலாடு மேற்கு பகுதியில் உள்ள ‘ஷேத் ஐரீன்’ என்ற அடுக்குமாடி குடியிருப்பின் மின்தூக்கியில், வளர்ப்பு நாய் ஒன்று திடீரென மூன்று சிறுமிகளைத் தாக்க முயன்ற அதிர்ச்சிகரமான சம்பவம் நடந்துள்ளது. இது தொடர்பான சிசிடிவி காட்சிகள் தற்போது சமூக வலைதளங்களில் வெளியாகி வேகமாகப் பரவி வருகின்றன.
அந்த வீடியோவில், மூன்று சிறுமிகள் ஏற்கனவே மின்தூக்கியில் இருக்கும் போது, ஒரு பெண்மணி தனது வளர்ப்பு நாயுடன் உள்ளே நுழைகிறார். கதவுகள் மூடப்பட்ட சில நொடிகளிலேயே, அந்த நாய் திடீரென ஆக்ரோஷமடைந்து சிறுமிகளை நோக்கி பாய்கிறது. இதனால் மின்தூக்கிக்குள் இருந்தவர்கள் பீதியடைந்த நிலையில், அந்தப் பெண் தன் வளர்ப்பு நாயைக் கட்டுப்படுத்தவும், பிடித்து நிறுத்தவும் கடுமையாகப் போராடுகிறார்.
https://twitter.com/nextminutenews7/status/2078088650181742650/video/1
மின்தூக்கியின் கதவுகள் திறந்ததும், பயந்துபோன ஒரு சிறுமி வெளியே ஓட முயல்கிறார், ஆனால் அந்த நாய் மீண்டும் அவரைத் துரத்தப் பார்க்கிறது. நல்லவேளையாக, அதன் உரிமையாளர் நாயை இறுக்கமாகப் பிடித்துக் கொண்டதால் பெரும் அசம்பாவிதம் தவிர்க்கப்பட்டது. இந்த சம்பவத்தில் யாருக்கும் பலத்த காயம் ஏற்படவில்லை என்றாலும், இந்த பயமுறுத்தும் காட்சிகள் அப்பகுதி குடியிருப்பாளர்களிடையே பெரும் அச்சத்தை ஏற்படுத்தியுள்ளது.