சுவிட்சர்லாந்தில் நடைபெற்ற ஈரான் – அமெரிக்கா இடையேயான அமைதி பேச்சுவார்த்தையின்போது, பாகிஸ்தான் ராணுவ தளபதி ஜெனரல் ஆசீம் முனீரை படுகொலை செய்ய இஸ்ரேலின் உளவு அமைப்பான மொசாட் சதி திட்டம் தீட்டியதாக பிரேசில் நாட்டு பத்திரிகையாளர் ஒருவர் வெளியிட்ட தகவல் சர்வதேச அளவில் பெரும் பரபரப்பை ஏற்படுத்தியுள்ளது. இந்த விவகாரம் சமூக வலைதளங்களிலும் ஊடகங்களிலும் வேகமாக பரவி, பல்வேறு விவாதங்களை கிளப்பியது.
இருப்பினும், பிரேசில் பத்திரிகையாளரின் இந்த குற்றச்சாட்டு முற்றிலும் ஆதாரமற்றது, அபத்தமானது மற்றும் முட்டாள்தனமானது என்று பாகிஸ்தானைச் சேர்ந்த முன்னணி மூத்த பத்திரிகையாளர் ஒருவர் திட்டவட்டமாக மறுத்துள்ளார். ஈரான் மற்றும் அமெரிக்காவுக்கு இடையேயான பேச்சுவார்த்தைக்கும், பாகிஸ்தான் ராணுவ தளபதிக்கும் எந்தவிதமான நேரடி தொடர்பும் இல்லை என்றும், சர்வதேச கவனத்தை ஈர்ப்பதற்காகவே இத்தகைய கற்பனையான கதைகள் பரப்பப்படுவதாகவும் அவர் சுட்டிக்காட்டியுள்ளார்.