இனி கவலை இல்லை…. தமிழக அரசின் அதிரடி உத்தரவு… உங்க நிலத்துக்கும் இலவச பட்டா கிடைக்க போகுது….!

தமிழ்நாடு அரசு ஆட்சேபனையற்ற புறம்போக்கு நிலங்களில் 5 ஆண்டுகளுக்கு மேலாக வசதித்துவரும் மக்களுக்கு இலவச பட்டா வழங்கும் சிறப்பு நில வரன்முறை திட்டத்தை ஆகஸ்ட் 31 முதல் மேலும் ஓராண்டு காலத்திற்கு நீட்டித்து புதிய அரசாணையை வெளியிட்டுள்ளது. நிலமற்ற ஏழை எளிய மக்களின் வாழ்வாதாரத்தையும் குடியிருப்பு உரிமையையும் உறுதி செய்யும் நோக்கத்தோடு செயல்படுத்தப்படும் இத்திட்டத்தின் மூலம், நத்தம் மற்றும் ஆட்சேபனையற்ற தரிசு நிலங்களில் குடியிருப்பவர்கள் எவ்வித கட்டணமுமின்றி பட்டா பெற்று பயன்பெற முடியும்.

அதேவேளையில், நீர்நிலைகள், பாதை போன்ற ஆட்சேபகரமான புறம்போக்கு நிலங்களில் ஆக்கிரமித்து வசித்து வருபவர்களின் பாதுகாப்பைக் கருத்தில் கொண்டு, அவர்களுக்கு உரிய ஆய்வுக்குப் பின் மாற்று நிலம் வழங்கி பட்டா அளிப்பதற்கான நடவடிக்கைகளையும் அரசு முடுக்கிவிட்டுள்ளது. அரசின் இந்த வரவேற்பிற்குரிய நடவடிக்கை பல ஆண்டுகளாகப் பட்டா இன்றி தவித்து வந்த பல்லாயிரக்கணக்கான குடும்பங்களின் வாழ்வியல் கனவை நனவாக்கி, அவர்களுக்கு நிரந்தர முகவரியையும் பாதுகாப்பையும் அளிப்பதாக அமைந்துள்ளது.