மொரட்டு fanboy- ஆ இருப்பார் போலயே… இளையராஜா பற்றி கேட்ட தயாரிப்பாளருக்கு பார்த்திபனின் அடடே பதில்!

தமிழ் சினிமாவில் முக்கியமான இயக்குனராகவும் நடிகராகவும் 30 ஆண்டுகளுக்கு மேலாக வரும் வருகிறார். அவர் தான் இயக்கி நடித்த புதிய பாதை என்ற வெற்றிப் படத்தின் மூலம் தமிழ் சினிமா உலகில் நுழைந்தார். அதற்கு முன்னர் இயக்குனர் பாக்யராஜிடம் உதவி இயக்குனராக பணியாற்றினார்.

புதிய பாதை படத்தில் அப்போது முன்னணி நடிகையாக இருந்த சீதாவைக் கதாநாயகியாக நடிக்க வைத்தார். அந்த படத்தின் உருவாக்கத்தின் போது இருவரும் காதலில் விழுந்தனர். அதன் பின்னர் பெற்றோர் எதிர்ப்பை மீறி இருவரும் திருமணம் செய்துகொண்டனர். திருமணத்துக்குப் பிறகு நடிப்பைக் குறைத்துக் கொண்டார் சீதா. ஆனால் பார்த்திபன் நடிகராகவும் இயக்குனராகவும் தொடர்ந்து செயல்பட்டு வருகிறார்.

அவரின் இந்த பயணத்தில் பல ஏற்ற இறக்கங்களை சந்தித்துள்ளார் பார்த்திப்ன. நடிகராக சம்பாதிக்கும் பணத்தை இயக்குனராகவும், தயாரிப்பாளராகவும் முதலீடு செய்து வித்தியாசமான படங்களை இயக்கி கையை சுட்டுக் கொள்கிறார். ஆனாலும் தொடர்ந்து வித்தியாசமான(?) படங்களை தமிழ் சினிமாவுக்குக் கொடுத்து வருகிறார்.

பார்த்திபன் இயக்குனராகவும் நடிகராகவும் அறிமுகமான முதல் படம் ‘புதிய பாதை’. இந்த படத்தில் அவர் கமிட்டானபோது படத்துக்கு இளையராஜாதான் இசையமைக்க வேண்டும் என தயாரிப்பாளரிடம் பிடிவாதமாக இருந்தாராம். ஆனால் பட்ஜெட் காரணமாக இளையராஜாவைத் தவிர்த்த தயாரிப்பாளர் சந்திரபோஸை இசையமைப்பாளராக ஒப்பந்தம் செய்துள்ளார். அந்த படம் ஹிட்டாகியுள்ளது.

அதையடுத்து அவர் இயக்கிய பொண்டாட்டி தேவை படத்துக்கு இளையராஜாவை எப்படியோ இசையமைப்பாளராக ஒப்பந்தம் செய்துள்ளார். ஆனால் படம் தோல்வி. இதுபற்றி தயாரிப்பாளர் பார்த்திபன் ‘இளையராஜா இல்லாத உன் படம் ஹிட்டானது. இளையராஜா இருந்த உன் அடுத்த படம் தோல்வி அடைந்துள்ளது’ எனக் கூறியுள்ளார்.

அவருக்கு தன் ஸ்டைலில் பதிலளித்த பார்த்திபன் “முதல் படத்தில் இளையராஜா இசையிருந்தால் இன்னும் பெரிய ஹிட் ஆகியிருக்கும். இரண்டாவது படத்தில் இளையராஜா இருந்தே படம் தோல்வியடைந்துள்ளது. அவர் இல்லை என்றால் அந்த படம் என்ன ஆகியிருக்கும்?” எனப் பதிலளித்தாராம்.