நடிகர் சிவகார்த்திகேயன் நடித்த பராசக்தி படம் வருகிற 10ம் தேதி வெளியாகிறது. இதற்கிடையே வருகிற ஜனவரி 3ம் தேதி பராசக்தி படத்தின் இசை வெளியீட்டு விழா சென்னை சாய்ராம் பொறியியல் கல்லூரியில் நடக்கிறது.
சமீபத்தில் மலேசியாவில் ஜனநாயகன் படத்தின் இசை வெளியீடு விழா நடந்தது. அதில் இயக்குனர் எச் வினோத் பேசுகையில், ஜனநாயகன் படம் கொஞ்சம் முன்ன பின்ன இருக்கும். நடுவுல புகுந்து அடிச்சிடலாம்ன்னு நினைக்கிறவங்களுக்கு ஒண்ணு சொல்றேன். ஐயா இது தளபதி படம். உங்க மைண்ட்ல இருக்கிற அந்த எண்ணங்களை எல்லாம் அழிச்சிருங்க என்று மறைமுகமாக பராசக்தி படத்தை தாக்கி பேசியிருந்தார்.
இந்நிலையில் சென்னையில் சாய்ராம் கல்லூரியில் வருகிற 3ம் தேதி பராசக்தி படத்தின் இசை வெளியீட்டு விழா நடக்கிறது. இதில் இயக்குனர் எச் வினோத்தின் குத்தலான பேச்சுக்கு பதிலடி தரும் விதமாக படத்தின் இயக்குனர் சுதா கொங்கரா அல்லது படத்தின் நாயகன் சிவகார்த்திகேயன் சரியான பதிலடி தருவார்களா என்கிற எதிர்பார்ப்பு எஸ்கே ரசிகர்களிடையே ஏற்பட்டுள்ளது.