ரஜினிகாந்த் பிறந்த நாளான நேற்று தமிழ்நாட்டு முழுவதும் 300-க்கும் மேற்பட்ட திரையரங்குகளில் படையப்பா படம் ரி ரிலீஸ் செய்யப்பட்டது. கடந்த 1999ம் ஆண்டில் வெளியான படையப்பா படத்தை சொந்தமாக தயாரித்தவர் நடிகர் ரஜினிகாந்த் தான். இப்போது படையப்பா படம் ரி ரிலீஸ் செய்யப்பட்ட நிலையில் அந்த படம் வசூல் செய்யும் மொத்த பணமும் நடிகர் ரஜினிகாந்தையே போய் சேரும். படையப்பா படம் ரி ரிலீஸ் மூலமாக 10 கோடி ரூபாய்க்கு மேல் ரஜினிக்கு வருவாய் கிடைக்கும் என்று கூறப்படுகிறது. ஆனால் இந்த பணத்தை ரஜினிக்கு தனக்காக வைத்துக் கொள்ளப் போவது இல்லை.
நடிகர் ரஜினிகாந்த் அறக்கட்டளை என்ற சேவை அமைப்பை அவர் பல ஆண்டுகளாக நடத்தி வருகிறார். இந்த ரஜினிகாந்த் அறக்கட்டளைக்கு தான் படையப்பா ரீ ரிலீஸ் படத்தின் மொத்த வசூலும் போய் சேர உள்ளது. சுமார் 10 கோடி ரூபாய்க்கு மேல் ரஜினிக்கு படையப்பா பங்கு தரும் வாய்ப்புள்ளதால் அந்த பணத்தை கொண்டு தமிழ்நாடு முழுவதும் உள்ள அவரது ஏழை ரசிகர்களுக்கு பயன்படுத்த அவர் திட்டமிட்டுள்ளார். வறுமையில் வாடும் ரசிகர்களுக்கு அந்த பணத்தில் உதவிகளை செய்யப் போகிறார். குறிப்பாக கல்வி உதவி, மருத்துவ உதவி போன்ற நிதியுதவிகளை செய்ய உள்ளதாக தகவல் வெளியாகி உள்ளது.