ஜெயலலிதா குறித்த கடம்பூர் ராஜு பேச்சுக்கு ஓ.பன்னீர்செல்வம் கடும் கண்டனம் தெரிவித்துள்ளார். அதில், மோடியா இந்த லேடியா.? பார்த்துவிடலாம் என்று சவால் விட்டு 37 தொகுதிகளில் அதிமுக வெல்ல காரணமாக இருந்த ஜெயலலிதாவை கடம்பூர் ராஜு குறை சொல்வதை பார்க்கும் பொழுது வளர்த்த கடா மார்பில் பாய்ந்தது என்ற பழமொழி நினைவில் வருகிறது . ஏற்றி விட்ட ஏணியை எட்டி உதைப்பது மிகப் பெரிய துரோகம் என்றும், பகிரங்க மன்னிப்புக் கேட்க வேண்டும். மாண்புமிகு அம்மா அவர்களை குறை சொல்வது என்பது உண்ட வீட்டிற்கு இரண்டகம் செய்வதை போன்றது.
தான் செய்த செயலுக்கு திரு கடம்பூர் ராஜு அவர்கள் பகிரங்க மன்னிப்பு கேட்க வேண்டும் என்று அண்ணா திராவிட முன்னேற்றக் கழகத் தொண்டர்கள் உரிமை மீட்பு குழுவின் சார்பில் வலியுறுத்தி கேட்டுக்கொள்கிறேன். இல்லை என்றால் இதற்கு தக்க பாடத்தை தமிழக மக்கள் புகட்டுவார்கள். பாஜக கூட்டணியில் இருந்து அதிமுக வெளியேறியது வரலாற்று பிழை அல்ல. வரலாற்றுப் புரட்சி என்று கூறியுள்ளார்.