“பயணிகளுக்கு மெகா ஜாக்பாட்… அரசு பஸ் விலையிலேயே ஆம்னி பஸ்…! அதிரடி முடிவின்… பின்னணியில் முதல்வர் விஜய்…!!”

தீபாவளி, பொங்கல் போன்ற தொடர் விடுமுறை நாட்களில் ஆம்னி பேருந்துகளில் பல மடங்கு கூடுதல் கட்டணம் வசூலிக்கப்படுவது ஆண்டுதோறும் பொதுமக்களுக்கு பெரும் சுமையாகவே இருந்து வருகிறது. அரசு பேருந்துகளை விட ஆம்னி பேருந்துகளில் வசதிகள் அதிகம் என்பதால், கூடுதல் கட்டணம் இருந்தாலும் பலரும் இதையே தேர்வு செய்ய நிர்ப்பந்திக்கப்படுகின்றனர். இது தொடர்பாக ஒவ்வொரு வருடமும் புகார்கள் எழுந்தாலும், கட்டணக் கொள்ளையைத் தடுக்க நிரந்தர தீர்வு ஏதும் எட்டப்படாமல் இருந்து வந்தது பயணிகளிடையே பெரும் அதிருப்தியை ஏற்படுத்தியிருந்தது.

இந்தச் சூழ்நிலையில், தமிழக வெற்றிக் கழகத்தின் ஆட்சி அமைந்த பிறகு, ஆம்னி பேருந்து உரிமையாளர்கள் சங்க நிர்வாகிகள் இன்று தமிழக முதல்வர் விஜயை நேரில் சந்தித்துப் பேசினர். இச்சந்திப்பிற்குப் பின் செய்தியாளர்களிடம் பேசிய அவர்கள், புதிய ஆட்சியில் ஆர்.டி.ஓ அலுவலகங்களில் ஆம்னி பேருந்துகளுக்கான அனுமதி பெற எந்தவித லஞ்சமும் வாங்கப்படுவதில்லை என்று தெரிவித்துள்ளனர். லஞ்ச நடைமுறைகள் முற்றிலும் ஒழிக்கப்பட்டுள்ளதால், முதற்கட்டமாக 500 ஆம்னி பேருந்துகளை அரசு நிர்ணயித்துள்ள அதே பேருந்து கட்டணத்திலேயே இயக்கத் தயாராக இருப்பதாக அவர்கள் அதிரடி அறிவிப்பை வெளியிட்டுள்ளனர்.

மேலும், விழாக்காலங்களில் கட்டணம் உயர்வதற்குக் காரணம் இடைத்தரகர்கள் தான் என்றும், தங்களது பேருந்துகளுக்குச் சுற்றுலா பேருந்து அனுமதி வழங்க வேண்டும் என்றும் அவர்கள் முதல்வரிடம் கோரிக்கை வைத்துள்ளனர். லஞ்சமில்லாத நிர்வாகத்தால் ஆம்னி பேருந்துகளின் கட்டணம் கணிசமாகக் குறைந்து, அரசு பேருந்து கட்டண நிகராகவே இயக்கப்பட முன்வந்திருப்பது, நடுத்தர மற்றும் ஏழை எளிய பொதுமக்களிடையே மிகுந்த மகிழ்ச்சியையும் பெரும் வரவேற்பையும் ஏற்படுத்தியுள்ளது.