இமாச்சலப் பிரதேசம் மாநிலம் மண்டி அருகே உள்ள சவுகார் காட் பகுதியில் சுந்தர் என்ற மலை கிராமம் ஒன்று அமைந்துள்ளது. இங்கு மருத்துவமனை வசதி எதுவும் இல்லாததால் கிராம மக்களுக்கு மருத்துவம் பார்ப்பதற்காக பக்கத்து ஊரான டிகாரில் இருந்து மருத்துவர் அல்லது நர்ஸ் வரவேண்டும். இந்நிலையில் அந்த கிராமத்தில் வசித்து வரும் இளம் பெண் ஒருவருக்கு குழந்தை பிறந்து இரண்டு மாதங்கள் ஆகிய நிலையில் பச்சிளம் குழந்தைக்கு தடுப்பூசி போட வேண்டும் என்ற சூழல் இருந்தது. இதனால் மலைப்பகுதியில் அமைந்துள்ள அந்த கிராமத்தை கடந்து செல்ல சிற்றாறு ஒன்றை கடக்க வேண்டும். தற்போது அங்கு கனமழை பெய்து வருவதால் ஆற்றில் வெள்ளம் பெருக்கெடுத்து ஓடுகிறது.
இதனால் குழந்தைக்கு தடுப்பூசி செலுத்த முடியாமல் நோய் ஏதாவது வந்து விடுமோ என்று தாய் அஞ்சி உள்ளார். ஆனால் பக்கத்து ஊரில் நர்சாக பணியாற்றி வரும் கமலாவோ, குழந்தைக்கு தடுப்பூசி செலுத்திய ஆகவேண்டும் என ஒற்றை காலில் நின்றார். அதற்காக தனது மருத்துவ உபகரணங்கள் அடங்கிய பையுடன் சாகச பயணத்தை அவர் மேற்கொண்டுள்ளார். தனது உயிரை துச்சமாக எண்ணி அந்த ஆற்றைக் கடந்து கடமையை அவர் நிறைவேற்றிய நிலையில் அது தொடர்பான வீடியோ தற்போது வெளியாகி பலருடைய பாராட்டுகளையும் பெற்று வருகிறது.
Meet Staff Nurse Kamla, who risked her life to ensure a two-month-old baby received a crucial injection. With the bridge in her area swept away, she crossed the river to reach the child. She is From Paddhar’s Chauharghati, Mandi. @CMOFFICEHP @mansukhmandviya @nhmhimachalp @WHO pic.twitter.com/o9JFmIHskx
— Vinod Katwal (@Katwal_Vinod) August 23, 2025