சவுதிக்கு டிரம்ப் வைத்த ‘செக்-மேட்’… இஸ்ரேலை ஏத்துக்கோங்க… இல்லனா அவ்வளவுதான்… அணுசக்தி தொழில்நுட்பம் வேணாமா?… அமெரிக்காவின் அதிரடி முடிவு… அதிர்ச்சியில் மத்திய கிழக்கு நாடுகள்…!

மத்திய கிழக்கு பிராந்திய அரசியல் களம் மீண்டும் சூடுபிடித்துள்ளது. அமெரிக்காவின் தொழில்நுட்ப உதவியுடன் சவுதி அரேபியாவில் சிவில் பயன்பாட்டுக்கான அணுமின் நிலையங்களை அமைப்பதற்கான வரலாற்றுச் சிறப்புமிக்க ஒப்பந்தத்திற்கு அமெரிக்க அதிபர் டொனால்ட் டிரம்ப் ஒப்புதல் அளித்துள்ளார். இருப்பினும், இந்த ஒப்பந்தம் முழுமையாக நடைமுறைக்கு வர வேண்டுமானால், சவுதி அரேபியா இஸ்ரேலை ஒரு தனி நாடாக அதிகாரப்பூர்வமாக அங்கீகரித்து ‘ஆபிரகாம் உடன்படிக்கையில்’ இணைய வேண்டும் என்ற அதிரடி நிபந்தனையை அவர் முன்வைத்துள்ளார்.

இந்த ஒப்பந்தத்தின் மூலம் அமெரிக்க நிறுவனங்கள் பல பில்லியன் டாலர் மதிப்பில் சவுதியில் அணு உலைகளைக் கட்ட வழிவகை செய்யப்படும். அதேவேளையில், அணு ஆயுதப் பெருக்கைத் தடுக்கும் நோக்கில், சவுதி அரேபியா சொந்தமாக யுரேனியத்தை செறிவூட்ட அனுமதி மறுக்கப்பட்டுள்ளதுடன், சர்வதேச அணுசக்தி முகமையின் கடுமையான கண்காணிப்பிற்கும் உட்படுத்தப்படும். அமெரிக்க நாடாளுமன்றத்தில் குடியரசுத் கட்சி பெரும்பான்மையுடன் இருப்பதால் இந்த ஒப்பந்தம் எளிதில் நிறைவேறும் என்று எதிர்பார்க்கப்பட்டாலும், இது எதிர்காலத்தில் பிராந்திய அணு ஆயுதப் போட்டிக்கு வழிவகுக்குமோ என்ற கவலையை சர்வதேச பாதுகாப்பு வல்லுநர்கள் எழுப்பியுள்ளனர்.

டிரம்பின் இந்த நிபந்தனையை இஸ்ரேல் பிரதமர் பெஞ்சமின் நெதன்யாகுவின் அலுவலகம் வரவேற்றுள்ள நிலையில், இது மத்திய கிழக்கில் அமைதியை ஏற்படுத்துவதற்கான வரலாற்றுப் பாய்ச்சல் என்று தெரிவித்துள்ளது. அதேசமயம், “தனி பாலஸ்தீன நாடு அமைக்கப்பட்டால் மட்டுமே இஸ்ரேலை அங்கீகரிப்போம்” என்ற உறுதியான வெளியுறவுக் கொள்கையைக் கொண்டுள்ள சவுதி அரேபியா, டிரம்பின் இந்த செக்-மேட் நகர்வுக்கு இதுவரை எந்தவித அதிகாரப்பூர்வ பதிலும் அளிக்காமல் மௌனம் காத்து வருகிறது.