மத்திய பிரதேச மாநில நர்சிங் கவுன்சிலின் இணையவழி பதிவு முறையில் நிலவும் பாதுகாப்பின்மையை அம்பலப்படுத்தும் விதமாக, என்எஸ்யுஐ மாணவர் அமைப்பின் மாநில துணைத் தலைவர் ரவி பார்மர் மேற்கொண்ட விசித்திரமான சோதனை நாடு முழுவதும் பெரும் அதிர்வலைகளை ஏற்படுத்தியுள்ளது. கவுன்சில் இணையதளத்தில் விண்ணப்பித்த அவர், விண்ணப்பதாரர் பெயரில் ‘கழுதை’ என்றும், பெற்றோர் பெயரில் ‘கழுதை தந்தை’, சாதியில் ‘விலங்கு’ மற்றும் புகைப்படத்திற்கு ஒரு நிஜ கழுதையின் படத்தையும் பதிவேற்றினார். மேலும், தேவையான சான்றிதழ்களுக்கு பதிலாக வெற்று தாள்களையே இணைத்திருந்தார்.
ஆனால், எவ்வித ஆவணச் சரிபார்ப்போ அல்லது அடிப்படை கள ஆய்வோ இன்றி, விண்ணப்பித்த வெறும் 5 நிமிடங்களிலேயே ‘கழுதை’யின் பெயரில் பதிவு செய்யப்பட்ட செவிலியர் மற்றும் மகப்பேறு உதவியாளருக்கான தற்காலிக டிஜிட்டல் சான்றிதழ் வழங்கப்பட்டது. 2031-ஆம் ஆண்டு வரை செல்லுபடியாகும் வகையில், போபால் நர்சிங் கல்லூரியில் பி.எஸ்சி நர்சிங் முடித்ததாக அச்சான்றிதழில் குறிப்பிடப்பட்டிருந்தது, ஆன்லைன் அமைப்பின் தீவிர குறைபாட்டை வெளிச்சத்திற்கு கொண்டு வந்தது. இந்த போலி சான்றிதழின் நகல் சமூக வலைதளங்களில் வெளியாகி, பொதுமக்கள் மற்றும் மருத்துவ சமூகத்தினரிடையே பெரும் அதிர்ச்சியை ஏற்படுத்தியது.
இச்சம்பவம் குறித்த சர்ச்சை தீவிரமடைந்ததைத் தொடர்ந்து, இடைத்தரகர்களின் தலையீட்டைத் தவிர்க்கவே தானியங்கி சான்றிதழ் வழங்கும் முறை கொண்டுவரப்பட்டதாகவும், இது வெறும் தற்காலிகப் பதிவு மட்டுமே என்றும் அதிகாரிகள் தரப்பில் விளக்கமளிக்கப்பட்டுள்ளது. இருப்பினும், மனித உயிர்களோடு நேரடியாகத் தொடர்புடைய மருத்துவத் துறையில், முறையான மனித ஆய்வோ தரவுச் சரிபார்ப்போ இன்றி இவ்வாறு தானியங்கி முறையில் சான்றிதழ்கள் வழங்கப்படுவது பெரும் ஆபத்தானது என சமூக ஆர்வலர்கள் சுட்டிக்காட்டுகின்றனர். இத்தகைய தொழில்நுட்ப குளறுபடிகளை உடனடியாகக் களைந்து, போலிப் பதிவுகளைத் தடுக்கும் வகையில் இணையதள அமைப்பை முழுமையாகச் சீரமைக்க வேண்டும் என்ற கோரிக்கை வலுத்துள்ளது.
நடக்க முடியாத தனது மாமனாரை மருமகள் ஒருவர் தன் தோளில் சுமந்து செல்லும் நெகிழ்ச்சியான வீடியோ காட்சி தற்போது இணையத்தில்…
திருவாரூர் மாவட்டம் திருத்துறைப்பூண்டியில் உள்ள தனியார் பள்ளியில், மூன்று வயது ப்ரீ-கேஜி மாணவன் ஆசிரியர் மற்றும் பள்ளி உதவியாளரால் தாக்கப்பட்ட…
மேற்கு வங்க மாநிலம் ஜார்கிராம் பகுதியைச் சேர்ந்த பிரபல பாம்பு பிடிப்பவரான ‘சர்பபந்து’ என்பவர், செவ்வாய்க்கிழமை இரவு நடைபெற்ற மானசா…
ஆசை வார்த்தை கூறி சிறுமியைப் பாலியல் வன்கொடுமை செய்து கர்ப்பமாக்கிய 55 வயது முதியவருக்கு, போக்சோ சிறப்பு நீதிமன்றம் கடுமையான…
மகாராஷ்டிரா மாநிலம் கோண்டியா மாவட்டத்தில் உள்ள வனப்பகுதியில் 35 வயதான வர்ஷா துர்கர் என்ற விமான நிறுவன ஊழியர் கொலை…
உத்தரப் பிரதேச மாநிலம் கான்பூரில் உள்ள சகேரி காவல் நிலைய எல்லைக்குட்பட்ட பகுதியில், மனிதநேயமற்ற அலட்சியத்தால் ஒரு துயரச் சம்பவம்…