தேர்தலில் சந்தித்த தொடர் பின்னடைவுகளுக்குக் கட்சியின் பலவீனமான அமைப்புக் கட்டமைப்பே முதன்மையான காரணம் என நாம் தமிழர் கட்சியின் தலைமை ஒருங்கிணைப்பாளர் சீமானிடம் முக்கிய நிர்வாகிகள் அடுக்கடுக்கான புகார்களை வாசித்துள்ளனர்.
குறிப்பாக, இளைஞர் அணி மற்றும் மகளிர் அணி உள்ளிட்ட துணை அமைப்புகளின் தலைவர்களுக்கு எவ்வித சுயாதீன அதிகாரமும் வழங்கப்படாததால் களப்பணிகள் முடங்கியுள்ளதாக நிர்வாகிகள் புலம்பிய நிலையில், அதிகரித்துவரும் உட்கட்சி அதிருப்தியைத் தணிக்கும் வகையில் ‘NTK 2.0’ எனும் பெயரில் கட்சியின் அமைப்பை அடிமட்டம் வரை சீரமைக்கச் சீமான் தற்பொழுது ஒப்புக்கொண்டுள்ளார்; இதன் தொடர்ச்சியாக, விரைவில் கூடும் கட்சியின் பொதுக்குழுவில் பொருளாளர், பொதுச்செயலாளர் போன்ற முக்கியப் பதவிகள் புதிதாக நிரப்பப்பட்டு, அதிகாரப் பரவலாக்கத்துடன் புதிய கட்டமைப்பு உருவாக்கப்படவுள்ளது.