பத்திரப்பதிவுத் துறையில் பொதுமக்களின் வசதிக்காக ‘வருகை இல்லா ஆவணப் பதிவு’ (Presence-less Registration) முறைக்கான வழிகாட்டு நெறிமுறைகளைத் தமிழக அரசு அதிகாரப்பூர்வமாக வெளியிட்டுள்ளது. இப்புதிய திட்டத்தின்படி, பொதுமக்கள் சார்பதிவாளர் அலுவலகத்திற்கு நேரடியாக நேரில் வராமலேயே தங்களது முதல் விற்பனை மனை, அடுக்குமாடி குடியிருப்பு மற்றும் தமிழ்நாடு வீட்டு வசதி வாரிய விற்பனை ஆவணங்கள் போன்றவற்றை இணையவழியில் எளிதாகப் பதிவு செய்து கொள்ள முடியும்.
இந்த நவீன முறையில் ஆவணங்களைச் சமர்ப்பித்த பிறகு, சம்பந்தப்பட்ட சார்பதிவாளர் அதற்கு இணையவழியில் ஒப்புதல் அளிப்பார். அதனைத் தொடர்ந்து, அவரது மின்னணு கையொப்பத்துடன் (e-Sign) கூடிய அசல் பத்திர நகல், பதிவு செய்தவரின் வாட்ஸ்ஆப் (WhatsApp) எண்ணிற்கே நேரடியாக அனுப்பி வைக்கப்படும் என்று அரசு தெரிவித்துள்ளது. இந்த அதிரடி அறிவிப்பு பொதுமக்களிடையே பெரும் மகிழ்ச்சியையும் வரவேற்பையும் பெற்றுள்ளது.