“உன்னைப் போல் யாரும் என்னை நேசித்ததில்லை.. ஏன் என்னை விட்டுப் போனாய் பேபி?”… நடிகை சுபாஷினி மறைவால் கதறும் கணவரின் கண்ணீர் பதிவு வைரல்…!!!

பிரபல தொலைக்காட்சி நடிகை சுபாஷினி (36), சென்னை அய்யப்பன்தாங்கலில் வாடகைக்கு வீடு எடுத்து தங்கி பல்வேறு படப்பிடிப்புகளில் பங்கேற்று வந்தார். இந்நிலையில், பெங்களூருவில் உள்ள தனது கணவர் பிபின் சந்திராவிடம் (38) வீடியோ காலில் பேசிவிட்டு, திடீரென அவர் தற்கொலை செய்துகொண்ட சம்பவம் பெரும் அதிர்ச்சியை ஏற்படுத்தியுள்ளது. இது குறித்து வழக்குப்பதிவு செய்துள்ள போரூர் போலீசார், நடிகையின் இந்த விபரீத முடிவிற்கான காரணம் என்ன என்பது குறித்து தீவிர விசாரணை மேற்கொண்டு வருகின்றனர்.

மனைவியின் எதிர்பாராத மறைவால் மிகுந்த துயரத்தில் உள்ள பிபின் சந்திரா, தனது சமூக வலைதளப் பக்கத்தில் சுபாஷினி குறித்து மிகவும் உருக்கமான பதிவு ஒன்றை வெளியிட்டுள்ளார். அதில், “உன் ஆத்மா சாந்தி அடையட்டும் போபா; உன்னைப்போல் என்னை யாரும் நேசித்ததில்லை, நான் உன்னைப்போல் யாரையும் நேசிக்கவும் மாட்டேன். நீ இன்று உயிருடன் இல்லை என்பதை என்னால் நம்பவே முடியவில்லை. என் நினைவுகளில் நீ எப்போதும் வாழ்ந்து கொண்டிருப்பாய். நீ என்னுடனேயே இருப்பது போன்ற உணர்வு எனக்குள் இருக்கிறது” எனப் பதிவிட்டுள்ளார்.

மேலும் அந்தப் பதிவில், “என்னை விட்டு ஏன் பிரிந்து சென்றாய்? உன்னுடன் இணைந்து உன் பிறந்தநாளையும், நமது திருமண நாளையும் கொண்டாட ஆசைப்பட்டேன். நீ இல்லாமல் நான் இல்லை. நாம் இருவரும் சேர்ந்து அடிக்கடி பல இடங்களுக்குப் பயணம் செய்ய வேண்டும் என்று பல கனவுகளைக் கண்டோமே பேபி” எனத் தனது வேதனையை வெளிப்படுத்தியுள்ளார். திரையுலகைச் சேர்ந்த பலரும், ரசிகர்களும் நடிகை சுபாஷினியின் மறைவிற்குத் தங்கள் ஆழ்ந்த இரங்கல்களைத் தெரிவித்து வருகின்றனர்.