விவசாயம் செய்ய பணம் இல்ல… மாடுகளுக்கு பதில் மகன், மகளை ஏரில் பூட்டி உழுத விவசாயி… கலங்க வைக்கும் புகைப்படம்…!

ஆந்திர பிரதேச மாநிலத்தை சேர்ந்தவர், பண்டி சந்திர சேகர்ரெட்டி. இவருடைய குடும்பம் ஏழ்மையில் இருந்த நிலையில், விவசாய பணிகளை மேற்கொள்வதற்காக, தன்னுடைய மகனையும், மகளையும் ஏரில் பூட்டி நிலத்தை உழுதுள்ளார்.

மேலும் இது குறித்து அவர் கூறுகையில், வேலைக்கு ஆட்களை வைத்து செய்தால் செலவு அதிகரித்து விடும், மாடுகளைக் கொண்டு உழுதால் அதுவும் பெரும் கடனை சுமத்திவிடும் என்பதால், மகனையும் மகளையும் கொண்டு களைகளை எடுக்கும் பணி செய்கிறேன், என்றார். இவரிடம் உள்ள 9.5 ஏக்கர்களில், 3 ஏக்கரில் பயிர் செய்து வருகிறார். களை எடுக்க ஏக்கர் 1 க்கு ரூ. 1500 செலவாகும் என்பதால், அதை குறைப்பதற்காக அவர் மகனையும் மகளையும் பயன்படுத்திக் கொண்டார். அவருடைய மகன் கல்லூரி மாணவர், மேலும் அவருடைய மகள் பள்ளி படிப்பு படித்து வருகிறார். மேலும் விவசாயிகள் நல்ல லாபம் பெற, அரசு தக்க நடவடிக்கை எடுக்க வேண்டும் என பொதுமக்கள் தெரிவிக்கின்றனர்.