“தப்பிக்க 3 செகண்ட் தான் இருந்தது” என் கண் முன்னே சாம்பலாகி போயிட்டாங்க… திருச்சூர் பட்டாசு ஆலை விபத்தில் உயிர் பிழைத்தவர் பகீர் வாக்குமூலம்..!!

கேரள மாநிலம் திருவனந்தபுரம் அருகே உள்ள ஒரு பட்டாசு ஆலையில் ஏற்பட்ட சக்திவாய்ந்த வெடிவிபத்தில் சிக்கி 12 பேர் பலியாகினர். இந்த கோர விபத்தில் இருந்து மயிரிழையில் உயிர் தப்பிய தொழிலாளி ஒருவர், அந்த சில நொடி நரகத்தை விவரித்துள்ளார். “வெடிச்சத்தம் கேட்டபோது நான் ஓடுவதற்கு வெறும் 3 வினாடிகள் மட்டுமே இருந்தது; அதற்குள் அந்த இடமே உருக்குலைந்து போனது” என்று அவர் கண்ணீருடன் தெரிவித்துள்ளார்.

அந்தத் தொழிலாளி கூறுகையில், வழக்கம்போல வேலை நடந்து கொண்டிருந்தபோது திடீரென ஒரு சிறிய தீப்பொறி மிகப்பெரிய வெடிப்பாக மாறியுள்ளது. அடுத்த சில வினாடிகளில் கட்டிடத்தின் மேற்கூரை இடிந்து விழுந்துள்ளது. எங்கும் கரும்புகை சூழ்ந்த நிலையில், திசை தெரியாமல் ஓடிய அவர், அதிர்ஷ்டவசமாக ஒரு சுவருக்குப் பின்னால் தஞ்சம் புகுந்துள்ளார். அவரது கண் முன்னே சக தொழிலாளர்கள் தீயில் சிக்கி அலறியது நெஞ்சை உறைய வைப்பதாக அவர் கூறியுள்ளார்.

இந்த விபத்து குறித்து வழக்குப் பதிவு செய்துள்ள காவல்துறையினர், பட்டாசு ஆலை உரிய அனுமதியுடனும் பாதுகாப்பு விதிமுறைகளுடனும் செயல்பட்டதா என்பது குறித்துத் தீவிர விசாரணை நடத்தி வருகின்றனர். 40-க்கும் மேற்பட்டோர் படுகாயங்களுடன் சிகிச்சை பெற்று வரும் நிலையில், இந்தச் சம்பவம் கேரளாவையே சோகத்தில் ஆழ்த்தியுள்ளது. உயிர் பிழைத்த அந்தத் தொழிலாளியின் வாக்குமூலம், பட்டாசு ஆலைகளில் நிலவும் பாதுகாப்பு குறைபாடுகளை மீண்டும் வெளிச்சத்திற்குக் கொண்டு வந்துள்ளது.