பொதுவாகவே பள்ளி மாணவர்களுக்கு வெள்ளிக்கிழமை என்றாலே ஒரு மகிழ்ச்சி வந்துவிடும். ஏனென்றால் மறுநாள் சனி மற்றும் ஞாயிற்றுக்கிழமை வார விடுமுறை வருவதால் மாணவர்கள் குஷியாக இருப்பார்கள். ஆனால் ஒரு சில வாரங்களில் சனிக்கிழமைகளில் பள்ளிகள் செயல்படுகிறது. அதன்படி கனமழை விடுமுறையை ஈடு செய்ய புதுச்சேரியில் டிசம்பர் 13 நாளை சனிக்கிழமை பள்ளிகள் இயங்கும் என கல்வித்துறை அறிவித்துள்ளது.
புயல் எதிரொளியாக கடந்த வாரம் கனமழை கொட்டி தீர்த்ததால் புதுச்சேரி மற்றும் காரைக்காலில் சில நாட்கள் விடுமுறை அறிவிக்கப்பட்டது. அதுல ஈடு செய்யும் விதமாக சனிக்கிழமை பள்ளிகள் விடுமுறை இல்லை என தெரிவிக்கப்பட்டுள்ளது. தமிழகத்திலும் சில மாவட்டங்களில் இது போன்ற அறிவிப்பு வெளியாகலாம் என தெரிகிறது.